Ture jamoa ustozi sifatida 9 ta o'yin o'tkazdi va ularning birortasida g'alaba qozona olmadi. "Arsenal" va "Manchester Siti"ning sobiq himoyachisi o'tgan yilning 29 noyabr kuni ishni qabul qilib olgach, uch yarim yillik shartnoma imzoladi. SHundan so'ng "Uigan" liganing 7 ta o'yinida atigi 2 ochko to'pladi. Jamoa Angliya Kubogida "Luton"ga mag'lub bo'ldi. O'tgan hafta so'ngida liga doirasida xuddi shu raqibga 0:2 hisobida imkoniyatni boy berganidan keyin CHempionshipning eng quyi pog'onasida qoldi. Xavfsiz hududga chiqib olish uchun esa 4 ochko kerak.
Kolo Ture o'zi tug'ilgan Kot d’Ivuar, shuningdek, "Lester" va "Seltik"da murabbiylik qilganidan keyin bu ilk bosh murabbiy sifatidagi o'rni bo'ldi. Uning "Uigan"dagi yordamchilari ham "DV Stedium"ni tark etdi.
Bosh sahifaga
264