"Toshkentga 3 kunlik tayyorgarlik bilan etib kelgan edik. Lekin o'yindan o'yinga futzalchilar o'rtasidagi bog'lamlar yaxshiroq ishlayapti. Raqiblarga hurmat saqlagan holda aytishim mumkinki, Eron o'z o'yinini topib boryapti.
Guruhdagi asosiy raqibimizga qarshi o'yin qoldi. O'zbekistonga qarshi bahs nisbatan qiyinroq bo'lsa kerak. Lekin ular katta futbolda harakatlanadigan qizlardan tarkib topishgan. Men esa futzal bo'yicha Eron superligasida o'ynaydigan qizlar bilan keldim. G'alaba uchun harakat qilamiz", — deydi Foruzan Sulaymoni xonim.
SHuningdek, uchrashuvning eng yaxshi futzalchisi sifatida etirof qilingan Sara SHirbeygi ham o'z fikrlari bilan o'rtoqlashdi: "Raqiblarda o'tgan yilgiga nisbatan ijobiy tomonga o'zgarish bor. Kecha O'zbekistonni ham kuzatdik. Ancha tomoshabob o'yin ko'rsatishdi. Umid qilamanki, oxirgi turda ajoyib to'qnashuv guvohiga aylanamiz".
Bosh sahifaga
266