"Yangi klubga kelganingda, doim tarix yaratishni orzu qilasan... Ayniqsa, bu klubning buyukligini ko'rganingda. Bu erdagi moslashuvimdan mamnunman. Jamoadoshlarim va xodimlar menga katta yordam berishmoqda. Ular ingliz tili bo'yicha ham ko'maklashishadi, bu qiyinroq bo'lib chiqdi, lekin men uni yaxshiroq o'rganish uchun ko'p harakat qilyapman.
Birinchi kundanoq bu erda o'zimni uydagidek his qilyapman. SHu erda ekanligimdan va 15 yoshli bola kabi har bir daqiqadan zavqlanayotganimdan juda xursandman! Lekin eng muhimi, jamoaning rivojlanishini ko'rish. Biz to'g'ri yo'ldamiz. Bu sovrinlarni yutish yo'li, ammo biz o'sishda davom etishimiz kerak", – dedi Kazemiro.
Braziliyalik yarim himoyachi 2022 yilning yozidan buyon "Manchester Yunayted"da to'p tepib kelmoqda. Uning "qizil iblislar" bilan shartnomasi 2026 yilgacha mo'ljallangan.
Joriy mavsumda u "Manchester Yunayted" safida barcha turnirlar doirasida 28 ta o'yinda qatnashib, 4 ta gol urdi va 5 ta golli pas uzatdi.
Uning klubi 20 o'yindan keyin 39 ochko to'plagan holda APL musobaqa jadvalida 4-o'rinda bormoqda.
Bosh sahifaga
302