Dastlabki uchrashuvda 0:0 hisobi qayd etilgan bo'lsa, yoshartirilgan va bir qator futbolchilar sinovdan o'tkazilgan ikkinchi bahsda "dinamochilar" alamli tarzda mag'lubiyatga uchrashdi.
Uchrashuvda hisobni 49-daqiqada "Dinamo" futbolchisi Faxriddin Alimov ochgan bo'lsa, 60-daqiqada Ayubxonov chetlatigach, "dinamochilar" bir kishi kam bo'lib qolishdi. SHunga qaramay, 63-daqiqada samarqandlik 17 yoshli yarimhimoyachi Akmal Kozimov farqni ikkitaga etkazdi – 0:2.
O'yinning so'nggi daqiqaligida "dinamochilar"ning son jihatdan kamchilikda ekani o'z so'zini aytdi – 80 va 85-daqiqada qarshiliklar hisobni tenglashtirgan bo'lishsa, 90-daqiqada belgilangan penaltidan foydalanib o'rtoqlik o'yinida g'alabani ilib ketishdi – 3:2.
Qayd etish joiz, shu kuni "Dinamo" safida eronlik 20 yoshli futbolchi Ag'o Muhammad Ali ko'rikdan o'tkazildi. Eronlik yarimhimoyachining harakatlari murabbiylar shtabida iliq taassurot qoldirsa, Ag'o Muhammad Ali "Dinamo" safida qolishi mumkin.
31 yanvar (yakshanba)
O'rtoqlik uchrashuvi. Qarshi
"Nasaf" – "Dinamo" – 3:2
Gollar: 80, 85, 90 penalti – Faxriddin Alimov 49, Akmal Kozimov 63.
"Dinamo": Umid Hamroev, Sarvar Abdusalomov, Asom Abdurahmonov, Oybek Jo'raev, Sardor Sadullaev, Javlon Malikov, Ag'o Muhammad Ali, Faxriddin Alimov, SH.Ayubxonov, Akmal Kozimov, Anvar Murodov.
CHetlatish: SH. Ayubxonov (Dinamo), 60.
Bosh sahifaga
709