Unda murabbiy mavsumga tayyorgarlik jarayoni, Superligaga yo'l olish uchun kurashadigan raqiblar, Jasur Jaloliddinovning “Olimpik”ga yo'l olishi hamda jamoaga yangi kelgan futbolchilar haqida fikr bildirdi.
- Yangi mavsumga tayyorgarlik jarayoni haqida...
- Yangi mavsumga tayyorgarligimiz reja asosida ketmoqda. Jamoadagi kayfiyati yaxshi, sharoitlar alo darajada. Maydonda shug'ullanamiz, sport zalida jismoniy tarafdan ishlaymiz. Hammasi reja bo'yicha ketmoqda. Oldimizda nazorat uchrashuvlari bisyor, deyarli har kuni o'yin o'tkazamiz. Raqiblarimiz har xil, yani mamlakatlar, o'yin sxemalari, uslublari turlicha, bundan xursandman. Biz allaqachon beshta o'yin o'tkazishga ulgurdik, yana uchta uchrashuv rejalashtirilgan. Bu biz uchun foydali, chunki biz o'z o'yinimizni yo'lga qo'yib oldik, hozir turli chiziqlarda qaysi o'yinchilar eng yaxshi juftlik bo'la olishini aniqlayapmiz.
- Tarkibda yoshlar paydo bo'lishi mumkinmi?
- Kimgadir o'tgan mavsum imkon berilgan, kimdir endigina bazaga tashrif buyuryapti. Yig'inda ular bilan yaqinroq tanishishimiz hamda ularni amalda sinab ko'rishimiz mumkin. Umuman olganda, barchasi yaxshi.
- Yangi legionerlar haqida nima deya olasiz?
- Qishda qaysi futbolchi bilan shartnoma imzolagan bo'lsak, barchasi jonbozlik ko'rsatdi. Rustam Soirov ikkita gol urishga erishdi, SHime Jujul ham gol urishga muvaffaq bo'ldi va o'zini yaxshi tomonlama ko'rsatdi. Umid qilamanki, yangi mavsumda u hujumda asosiy kuchga aylanadi. Ivan Solovyov yaxshi formada, Boyan Naydyonov esa dastlabki o'yindan so'ng engil jarohat olgan. Katta ehtimol bilan u yig'in doirasida maydonga tushadi. Lekin uning ilk o'yin va mashg'ulotlardagi harakatlarini ko'rgach, shuni aytishim mumkinki, ushbu futbolchi biz uchun yaxshi xarid bo'ldi, u himoya zonamizni kuchaytiradi.
- Jasur Jaloliddinovning "Lokomotiv"dan "Olimpik"ga o'tishi qay tarzda sodir bo'ldi?
- Biz Jasur klubni tark etishini anglab etgandik. U O'zbekiston olimpiya terma jamoasining muhim futbolchisi, jamoa sardori, shu bois unga muntazam o'yin amaliyoti zarur. Jaloliddinovning Olimpiadaga 100 foiz tayyor bo'lishi muhim. Kutilganidek, u Timur Kapadze qo'l ostidagi “Olimpik”ga yo'l oldi. Albatta, biz Jasurning klubda qolishini istardik. Bunday futbolchilar har doim va har qanday jamoaga kerak. Lekin kelasi mavsumni Pro-ligada o'tkazamiz, Jasur esa Superligada o'ynashi kerak.
- Superligaga chiqish uchun kurashda “Lokomotiv”ning asosiy raqibi qaysi jamoa bo'ladi?
- Pro-ligada bizga oson bo'lmaydi, ushbu ligada barcha jamoa kurashuvchan. Qolaversa, “Lokomotiv” mazkur ligada Toshkentning yagona klubi sanaladi. Ehtimol, bizga qarshi har bir jamoa ikki karra kuchliroq tayyorgarlik ko'rishi mumkin, lekin biz bunga tayyor bo'lishimiz kerak. O'ylashimcha, Superligaga yo'l olish uchun "Dinamo" bilan kurash olib boramiz. “Mashal” va “Qo'qon-1912” kabi jamoalarni ham esdan chiqarmaslik lozim.
Nikolay Egorichev suhbatlashdi
Oqil Abdubarnoev tarjimasi
Bosh sahifaga
168