Malumot uchun, jamoa dastlabki turni mehmonda "Nasaf"ga qarshi o'tkazadi.
"Men quradan avval hech nima kutmagan edim. Buning uchun hech qanday reja ham o'ylamagandim. Birinchi turda “Nasaf” bilan o'ynaydigan bo'ldik. Bahorda hammada imkoniyatlar bir xil bo'ladi. SHuning uchun kimga qarshi to'p surishimizni farqi yo'q. Ikki o'yinimiz safarda o'tadi, mayli hech qisi yo'q., - deydi Aleksandr Xomyakov.
- "Andijon"da oxirgi marotaba 2020 yil ishlaganingizda ham mavsum shunday boshlangandi, yani ketma-ket ikkita o'yin safarda. Ikkinchi tur "Nasaf"ga qarshi kechgandi...
- Ha, dastlabki ikkita uchrashuv safarda bo'lgandi. “Lokomotiv” hamda “Nasaf”. Keyin uyda “Navbahor” bilan o'ynaganmiz. Albatta, bu o'tmishda bo'lib o'tgan. Hozirgi holatni u davr bilan tenglashtirdib bo'lmaydi, hammasi yaxshi bo'ladi.
- Ro'ziqul Berdiev ikki marotaba "Andijon"ning uchrashuvini kuzatdi...
- Balki oldindan sezgandir (kuladi). Aslida har bir murabbiyiga raqib jamoaning o'yinlarini kuzatish qiziq bo'ladi. Kimning qanday imkoniyatga egaligini ko'rishlari tabiiy. Bu erda hech qanday taajjublanish yo'q
- Demak quradan qoniqdingiz?
- Albatta, nega qoniqmaslik kerak? Hammasi joyida.
Bosh sahifaga
200