Bugun Evropa Superligasi bosh direktori Bernd Rayxart tasischi klublar loyihaning yangi versiyasini ishga tushirishni xohlayotganini malum qildi.
A22 yangi loyiha Evropaning 50 dan ortiq klublari bilan ular duch kelayotgan moliyaviy muammolar bo'yicha batafsil muzokaralar natijasi ekanligini aytdi. So'nggi oylarda A22 va Evropa Superligasi aniq moliyaviy ustunlikka ega bo'lgan va boshqa Evropa ligalariga tasiri katta APLga hujum qildi.
Evropa Superligasining yangi talqinda bir nechta davizionlarga bo'linib, doimiy azolarsiz 60 dan 80 tagacha ishtirokchidan iborat bo'ladi. Har bir jamoa mavsum davomida kamida 14 ta o'yin o'tkazadi. Hozircha klublarning divizionlar bo'yicha taqsimlanishi haqida malumot yo'q. Musobaqadan chiqib ketish tizimi qanday bo'lishi ham malum emas.
"Real", "Barselona" va "Yuventus" yangi Evropa Superligasi formatini hozircha sir saqlamoqda.
Eslatib o'tamiz, 2021 yilning aprel oyida Superligani tashkil etishga urinish muvaffaqiyatsiz yakun topgandi. Tasischi klublar qatorida "Manchester Yunayted", "Manchester Siti", "Liverpul", "CHelsi", "Arsenal", "Tottenxem", "Barselona", "Real", "Atletiko", "Yuventus", "Inter" va "Milan" bor edi.
Turnir tashkil etilgani elon qilinganidan ikki kun o'tib, ingliz klublari muxlislarning noroziligi tufayli ishtirokchilar orasidan chiqib ketgan edi.
Bosh sahifaga
201