Hafta boshida qatarlik xususiy investorlar guruhi ingliz klubini to'liq sotib olish bo'yicha harakatga kirishgani malum qilingan edi. Endigi xabarga ko'ra, ular to'rtta raqibning jiddiy qarshiligiga duch keladi. Oxirgi muddat oldidan bazi takliflar ham yuborilgan. Qatardan tashqari Amerika Qo'shma SHtatlaridan ham qiziqish bor. SHuningdek, Buyuk Britaniyaning eng badavlat insoni va butun umrlik "qizil iblislar" tarafdori Ser Jim Retkliff ham klubni sotib olish uchn bo'layotgan urinishlardan chetda turmasligini bildirgan.
Tez orada jarayonning birinchi bosqichi yakunlanadi. Keyinchalik maxfiylik shartlarini qabul qilganlarga "Yunayted" moliyaviy malumotlari saqlanadigan "malumotlar xonasi"ga kirish huquqi beriladi. Malum bo'lishicha, tarkibida Saudiya Arabistonining "Nyukasl"ga egalik qiladigan investorlariga ham shunday ruxsat berilgan. Ularning rasmiy taklif bilan chiqishi yoki yo'qligi hozircha nomalum.
Gleyzerlar oilasi "Manchester Yunayted" uchun 6 milliard funt talab qilayotgani xabar qilingan. Biroq ular hozircha ommaga aniq raqamlarda qancha mablag' istashlarini oshkor qilmadi. Ular, shuningdek, investiciyaning ikkita alohida shaklini qabul qilishga tayyorliklarini aytishgan. Birinchisi klubdagi ulush evaziga mustaqil ravishda naqd pul kiritish shaklida, ikkinchisi esa murakkab tijoriy hamkorlik asosida.
PSJga egalik qiluvchi QSI guruhidan alohida bo'lgan qatarliklar ularning taklifi eng kuchli bo'lishiga ishonchi komil.
Bosh sahifaga
215