Gvardiola APL klublarini "Siti"ga qarshi til biriktirib olishda aybladi

"Manchester Siti" bosh murabbiyi Pep Gvardiola APL klublari "Siti"ning moliyaviy firibgarlik bo'yicha jazolanishi tarafdori ekanligi borasidagi savolga javob berdi. 

"Ha, ular shuni istashadi. Bu APL. Negaligini bilmayman. APLdan rahbaridan bu savolga javob so'rash kerak".

Gvardiola so'zini davom ettirar ekan, bu holat ikki yil oldin ham bo'lgani haqida gapirdi. O'shanda UEFA "Man Siti"ni ECHLdan chetlatgan, sport arbitraj sudi esa bu taqiqni bekor qilgandi. 

"To'qqizta klub. "Bernli", "Vulverxempton", "Lester", "Nyukasl", "Tottenxem", "Arsenal", "Manchester Yunayted", "Liverpul", "CHelsi". Aynan shu klublar bizni ECHLdan chetlatish haqida xat yozgandilar. Ular bizning o'rnimizni egallamoqchi bo'lishgan. Klublarning til biriktirib olishi yangilik emas. Mana, ikkinchi marta bu narsa takrorlanyapti", -deydi Pep Gvardiola.