"Valensiya" muxlislari rahbariyatdan singapurlik biznesmen Piter Limni olishga urinishmoqda. "Atletik" bilan o'yindan oldin (yana mag'lubiya – 1:2) muxlislar "Mestalya" atrofida katta ko'lamdagi norozilik akciyasini uyushtirishdi.
Namoyishchilar "Lim, uyinga bor" deya iddao qilishdi. Bu xabar ko'plab banner va plakatlarda yozilgan edi.
"Piter Lim, yaramas, yo'qol". "Valensiya" muxlislari anchadan beri norozilik bildirishadi – jamoa xavfli zonaga ham tushib bo'ldi
Lim 2014 yilda "Valensiya" xo'jayiniga aylandi. O'sha paytdan beri evrokuboklarning doimiy ishtirokchisi La Liga autsayderiga aylandi. Jamoa hozirda 18-o'rinda bormoqda, ammo uning ortidagi "Xetafe"da zaxira o'yin mavjud, shu sabab "Valensiya" oxirgidan bitta oldingi o'ringa ham tushishi mumkin.
Hozirda shaharda Piter Limdan ko'ra nafratlaniladigan inson yo'q. Muxlislar uzoq vaqtdan beri xo'jayinni klubdan haydashga urinishadi.
Muxlislar 2021 yilning iyunida osmono'par binoda Limning rasmini yoqishdi.
Piter bundan ajablanmadi – muxlislar esa olg'a borishdi.
Norozichilik shunchalik ommalashdiki, u hatto stadionning o'zida ham davom etdi: muxlislar "Elche" (2:1) bilan o'yinning 19-daqiqasida chaqiriq yozilgan sariq qozog'larni ko'tarishdi: "Piter, uyingga bor". Endi bunaqasi deyarli har bir uy o'yinida ro'y beradi.
2021 yilning dekabrida nafratlaniladigan prezidentga qarshi 15 ming atrofida inson chiqdi.
O'tgan mavsumning so'nggi kunida esa 10 ming inson Limga qarshi namoyishga chiqishdi. Ammo, bular uni ajablantirmaydigandek tuyulmoqda – muxlislar bilan aloqa shunchalik uzilganki, rahbarning qizi muxlislardan shunchaki jim bo'lishni va klubni boshqarishga halaqit bermaslikni so'raydi:
"Valensiya"ning bazi muxlislari meni va oilamni qoralaydilar va lanatlaydilar. Nima, ular tushunishmaydimi? Bu bizning klubimiz va biz u bilan xohlaganimizni qilishimiz mumkin va hech kim bu haqda gapira olmaydi".
"Valensiya" yaqinda o'sha "Atletik"ga 1:3 hisobida yutqazgan holda, Kubokda 1/4 finaldan chiqib ketdi. O'yindan so'ng bir necha yuzlab odamlar "Piter, ahmoq, "Mestalya"dan yo'qol", "Bizga shuncha azoblanganimiz ham etadi", "Gattuzo – mushukcha" deya qichqirishdi. Oxirgi ibora Gattuzoning "Valensiya" bosh murabbiyi sifatida o'tgan taqdimotiga ishora bo'lib, unda jurnalist murabbiydan u shermi yoki yoqimli mushukchami, deb so'ragan edi. Jennaro "Nima deb o'ylaysiz? Bu haqda ikki oydan so'ng gaplashamiz" deb javob qaytargan.
Lim deyarli o'yinchi xarid qilmaydi. SHu sabab murabbiylar almashinuvi ro'y beradi, yaqinda shu sabab Gattuzo ketdi
Limga bo'lgan asosiy etirozlardan biri uning tarkibga deyarli sarmoya kiritmasligidir. "Valensiya" yozda bir guruh etakchilarni sotib yubordi: Gonsalu Gedesh "Vulverxempton"ga ketdi, Karlos Soler PSJga, Maksi Gomes "Trabzonspor"ga. Qishda Niko Gonsales ham jarohat oldi, asosiy yarim himoyachi kamida martga qadar safdan chiqdi. Murabbiy Jennaro Gattuzo kim bilandir shartnoma imzolanishini kutdi (tarkibda jami 4 nafar sog'lom yarim himoyachi qolgan) – klubning Saul va Koklenga qiziqishi aytildi, MYUdan Fakundo Pelistrining ijarasi muhokama qilindi. Ammo, qishda hech kim bilan shartnoma imzolanmadi.
Kubokdan chiqib ketganidan so'ng Gattuzo jamoani tashlab ketmaslikka ishontirdi, ammo ligada qolish uchun kurashda "Valyadolid"ga yutqazdi. O'shanda jamoani aeroportda ultras kutib oldi, Gattuzo ular bilan shaxsan gaplashdi va muloqotni kamerada yozib olishga uringan jurnalistni itarib yubordi.
Gattuzo bundan biroz o'tib istefoga chiqdi. U Piter Lim qo'l ostidagi 11-murabbiy – va faqatgina ulardan ikkitasi bir mavsumdan ko'proq ishlagan (Nunu Eshpiritu Santu va Marselino Garsiya Toral). Aytgancha, ikkinchisini ochiqchasiga Limga qarshi borgani uchun istefoga chiqarishgan.
Bunga transferlar ham sabab bo'ldi. Aniqrog'i, ularning yo'qligi.
Sports.ru saytidan Alisher Ostonov tarjimasi
Bosh sahifaga
256