Rejaga ko'ra, Andijonliklar Daniyaning birinchi divizioni qatnashchisi “Naestved” klubiga qarshi bahs olib bordi. O'yindan avval har ikki jamoa uzoq yillar davomida “Andijon viloyati bolalar va o'smirlar futbol akademiyasi”da haydovchilik qilib kelgan marhum Abdullaev Solijon Sadirovich xotirasi uchun bir daqiqalik sukut saqladi.
Birinchi bo'limda bosh murabbiy SHoxruh Ishanov 2005-yilda tug'ilgan tabriyalanuvchilarimizga ishonch bildirdi. Nisbatan kattaroq bo'lgan “Daniya” jamoasi futbolchilari ustunlikka erishishga intildi. Ammo yoshlarimiz ham bo'sh kelgani yo'q. Jussasi kichik bo'lsada, evropaliklarga qarshi kechgan bahsda maydonning har bir qarich erida jon-jahdi bilan kurashgan yigitlarimiz osonlikcha taslim bo'lishgani yo'q. SHunga qaramay, birinchi bo'lib hisobni ochish daniyaliklarga nasib etdi. Raqib hujumchisi qulay imkoniyatdan unumli, foydalanib to'pni darvozabonning ustidan havolatib darvozaga joylab qo'ydi 0:1.
Uchrashuvning birinchi bo'limida aytarli golga tortadigan vaziyat sodir bo'lmadi. SHu tariqa uchrashuvda hisob boshqa o'zgargani yo'q.
Ikkinchi taymda esa har ikki jamoa murabbiylari tarkibni butunlay yangiladi. Daniyaliklar tarkibida bo'ydor futbolchilar paydo bo'ldi. Ammo shunga qaramay, “Andijon-SGS” futbolchilari hujumga zo'r berdi. Natijada yaqinda jamoamiz azosiga aylangan Mirjalol Mirzaev raqib jarima maydoni ichida sovuqqonlik bilan to'pga kuchli va aniq zarba bergan xolda, uchrashuvda hisobni tenglashtirishga muvaffaq bo'ldi – 1:1.
SHundan so'ng andijonliklar hujumni yanada kuchaytirdi. To'pni nazorat qilish orqali, kombinacion o'yin ko'rsatib raqibni shoshirib qo'ygan “Andijon-SGS” futbolchilari g'alaba to'pini ham kiritishga erishdi. Aniqrog'i oxirgi yillarni legioner sifatida o'tkazgan va yaqinda jamoamiz azosiga aylangan Abubakir Mo'ydinov chap oyoqda raqib darvozasi tomon aniq zarba yo'llab, daniyalik posbonni ojiz qoldirdi 2:1.
Uchrashuvda hisob boshqa o'zgarmadi va shu tariqa andijonliklar Evropa jamoasiga qarshi kechgan bahsda g'alaba qozondi. Darvoqe, uchrashuv yakuniga etgach, har ikki jamoa bir-biriga minnatdorchilik bildirib, estalik uchun suratga tushdi. Bosh murabbiy SHoxruh Ishanov “Andijon-SGS” futbol klubining atributkalaridan “Naestved” bosh murabbiyiga estalik uchun sovg'a qildi.
“Andijon-SGS” mazkur uchrashuvda quyidagi tarkiblarda xarakat qildi.
Birinchi bo'lim:
Asilbek Tojiddinov, Fayzullo Nurmuxammadov, Abubakir Rejabboev, Omadjon Tursunaliev, Akbarxo'ja No'monxo'jaev, SHoxjahon Yorqinboev, Zayniddin Xamraboev, Abdushukur Maxamatov, Azizbek Usmonov, Xamidullo Karimov, O'ktam Abdumalikov
Ikkinchi bo'lim:
Abdumalik Nurmuxammadov, Xojiakbar Mo'minov, Otabek Mo'minov, Dilmurod Abduqahorov, Yursunali Topvoldiev, SHahboz Jumaboev, Ozodbek Qahhorov, SHokir Odiljonov, Abubakir Mo'ydinov, Mirjalol Mirzaev, Abdumutalib Rejabboev
Gollar: Mirjalol Mirzaev, 78. Abubakir Mo'ydinov, 89.
Quyida mazkur uchrashuvdan olingan fotosuratlarni tomosha qiling:
Foto: Rustamxo'ja Nabixo'jaev
Bosh sahifaga
240