Xususan, jamoa 21 fevral kuni Bosniya va Gercegovina davlatining "Stupchanica" jamoasiga qarshi bahs olib bordi. Raqib jamoa bilan o'rtoqlik o'yini avvaldan rejalashtirilmagandi. "Stupchanica" bosh murabbiyi bilan Antaliya shahrining o'zida to'satdan uchrashib qolgan jamoa rahbariyati “Andijon-SGS” futbol klubi loyihasi haqida qisqacha tarif berib o'tdi. Bu esa ularda qiziqish uyg'otdi va o'z o'yinlarini tashkil etayotgan agentlarga murojaat qilib, Andijon klubi bilan o'ynab ko'rish istagi borligini bildirdi. Tabiiyki evropaliklarni taklifi “Andijon-SGS” vakillarini ham etiborsiz qoldirmadi va raqib jamoa taklif etgan stadionga borish uchun rozilik bildirdi.
O'yin avvalida yana har ikki klub prezidentlari va bosh murabbiylari o'zaro yaqindan tanishib, fikr almashdi. "Stupchanica" klubi prezidenti Semir Degirmendzic va bosh murabbiy Dzenan Zaimovich “Andijon-SGS”ning iqtidorli futbolchilarini diqqat bilan kuzatishlarini bildirib, klub prezidenti Zafarxo'ja Rahimov juda yaxshi loyixaga asos solganini mamnuniyat bilan bildirib, omad tiladi hamda keyinchalik ham bu kabi o'rtoqlik o'yinlarini oldindan rejalashtirilgan xolda, yuqori saviyada o'tkazishga kelishib olindi.
O'z navbatida klub prezidenti Zafarxo'ja Rahimov ham klubning estalik sovg'alarini "Stupchanica" vakillariga ulashib, ularga ham omad tiladi.
O'yin haqida qisqacha to'xtaladigan bo'lsak, tarkib bo'yicha so'zsiz "Stupchanica" klubi favorit edi. O'yinda dastlab hisobni evropaliklar ochishgani ham bunga misol bo'la oladi. Sababi Bosniya jamoasi safida bir qator legioner futbolchilarni uchratish mumkin edi. Ammo keyinchalik andijonlik futbolchilar ham osonlikcha taslim bo'lmasliklarini isbotlash maqsadida kombinacion o'yin ko'rsatish orqali hujumga zo'r berdi.
Natijada “Andijon-SGS” futbolchilari o'yin tizginini o'z qo'llariga olgan xolda, ketma-ket gollar urib yakunda g'alaba qozondi. Darvoqe, mazkur uchrashuvga bo'lgan qiziqish yuqori bo'ldi deyish mumkin. Evropa va Osiyo klublarining qarama-qarshligini boshqa klub vakillari va mahalliy aholi ham diqqat bilan kuzatib bordi. Ularning orasida serbiyalik futbol agentlarini uchratganimizni ham aytib o'tish lozim. Andijonlik yosh futbolchilardan uchralgan mag'lubiyatdan so'ng tabiiyki "Stupchanica" bosh murabbiyining kayfiyati yaxshi emasdi. Lekin u o'zini professionallarcha tutdi va uchrashuv yakuniga etgach, butun jamoasini maydonga olib chiqib, “Andijon-SGS” jamoasini tabriklab, estalik uchun umumiy ko'rinishda suratga tushishga rozi bo'ldi.
SHu tariqa Antaliyadagi navbatdagi sinov-nazorat uchrashuvida “Andijon-SGS” o'z aktiviga uch ochko yozdirib qo'ydi.
"Stupchanica" - "Andijon-SGS" 2:3
Antaliya, Belek shahri. “Fanatik Belek” stadioni.
Gollar: 28' SHahboz Jumaboev (1:1), 35' Abubakir Mo'ydinov (1:2), 48' Mirjalol Mirzaev (1:3).
“Andijon-SGS”: Asilbek Tojiddinov, Dilmurod Abduqahorov, Otabek Mo'minov, Yursinali Topvoldiev, Xojiakbar Mo'minov, Ozod Qahhorov, SHahboz Jumaboev, Abdumutalib Rejabboev, Abubakir Mo'ydinov, SHokirjon Odiljonov, Mirjalol Mirzaev.
Zaxiradan maydonga tushganlar: Abdumalik Nurmuhammadov, Fazliddin Zuhriddinov, SHoxjahon Yorqinboev, Zayniddin Xamraboev, Abdulhamid Turg'unboev, Fayzullo Nurmuhammadov, Muhammaddiyor Hotamxonov, Omadjon Tursunaliev.
Bosh sahifaga
305