Tadbir davomida Sayfiddin Irmatovning faoliyati davomida esda qolgan holatlar yig'ilganlar tomonidan eslandi. Yuz bergan qiziq voqealar va yoqimli lahzalar tadbirga kelganlarga aytib berildi.
Malumot o'rnida, Sayfiddin Irmatov butun faoliyati davomida xalq orasida “CHig'atoy” futbol maktabi nomi bilan mashhur bo'lgan Respublika futbol bo'yicha sport mahoratini oshirish oliy maktabida murabbiy bo'lib ishlagan. Tarkibida Server Jeparov, SHuhrat Mirxoldirshoev, Yaroslav Krushelnickiy, Yuriy Nikitov kabi futbolchilar bo'lgan O'zbekiston yoshlar terma jamoasiga bosh murabbiylik qilgan.
SHuningdek, tajribali mutaxassis ko'p yillar davomida futbol hakami va inspektor sifatida ham samarali ishlagan. U o'z faoliyati davomida ko'plab iqtidorli yosh hakamlarni tarbiyalashga o'zining uzviy hissasini qo'shdi. Uning shogirdlari orasida FIFA referisi, jahon chempionatlari rekordchisi bosh hakam Ravshan Ermatov, Abduhamidullo Rasulov kabi o'z sohasining taniqli mutaxassislarini uchratish mumkin.
Tadbir yakunida Sayfiddin Irmatov ko'rsatilayotgan etibor uchun chuqur minnatdorlik bildirib, bundan keyin ham mamlakatimiz futboli rivojiga ko'mak berishga tayyor ekanini takidladi.
Bosh sahifaga
459