Qiziqarli kechgan final uchrashuvidan so'ng musobaqada ajoyib harakatlari bilan yodda qolgan "Bunyodkor"ning mahoratli yarim himoyachisi Nurillo To'xtasinovning fikrlari bilan qiziqdik.
- Yakunda "Bunyodkor"ning g'olibligi bilan yakunlangan "Farg'ona viloyati hokimi kubogi-2021" turniri haqida dastlabki fikrlaringiz bilan o'rtoqlashsangiz...
- Ushbu musobaqa har yili o'tkazilishi Farg'onada odat tusiga kirgan. "Bunyodkor" bunday turnirda ilk bor ishtirok etdi. Yaxshi taassurotlar va bosh sovrin bilan ortga qaytdik. Taklif uchun Farg'ona viloyati hokimiga minnatdorchilik bildiraman.
- "Bunyodkor"ning g'olib chiqishini ko'pchilik kutmagan edi...
- "Hokim kubogi" kabi turnirlar doim qiyin kechadi. CHunki, o'yinlar orasida ko'p vaqt bo'lmaydi. Har bir uchrashuvda raqiblar yaxshi qarshilik ko'rsata olishdi. Yilni sovrin bilan boshlayotganimizdan xursandman.
- Sovrindorlarga mukofot pulining berilishi ham jamoalarga qo'shimcha motivaciya bo'ldimi? Agarda moliyaviy rag'batlantirish bo'lmaganida balki, kurash bunchalik kechmasdi...
- To'g'risini aytsam biz mukofot puli haqida o'ylamadik. SHunchaki maydonga chiqib o'z o'yinimizni ko'rsatdik.
- Mavsumni sovrin bilan boshlash jamoaga qo'shimcha kuch va g'oliblik ruhini berishi tabiiy...
- Har qanday holatda ham mavsumni shunday kayfiyatda boshlash yoqimli. Qanday musobaqa bo'lsa ham muhimi g'oliblik.
- Musobaqadagi tashkilotchilikdan jamoa qay darajada qoniqish hosil qildi?
- Bizga juda yaxshi sharoitlarni yaratib berishdi, deya olaman.
Abdulaziz Iskandarov yozib oldi
Bosh sahifaga
310