Osiyoning eng kuchli 16ta terma jamoasi qita chempionligi va Jahon chempionati yo'llanmasi uchun kurash olib borishadi.
Saytimizda Toshkentdagi "Lokomotiv", Farg'onadagi "Istiqlol" stadionlari musobaqaga tayyorligi haqida fotogalereyalar chiqdi.
Lekin zamonaviy futbolda futbol bu faqat 90 daqiqalik o'yindan iborat emas. O'yinga tayyorlanishdagi eng muhim jihatlardan biri mashg'ulot maydonidir. Xo'sh, O'zbekistondagi U-20 Osiyo kubogi ishtirokchilari qanday maydonlarda mashg'ulot o'tkazishmoqda va o'tkazishadi?
Dastlab shunchaki suratlarni tomosha qiling:
Holat achinarli to'g'rimi? OFK O'zbekistonda xalqaro musobaqaga topshirayotganda bizga faqat o'yinlar o'tadigan 4ta stadion kerak deb aytmagandir. Lekin Yaponiya Qibrayga borib eng sifatsiz mashg'ulot maydonida shug'ullanishi, futbolchilar cho'milishi va hojatini chiqarishi (!!!) uchun dush va hojatxona yo'qligi haqida hech kim bosh qotirib ko'rmagan.
Ertaga Yaponiyada xalqaro musobaqa bo'lsa va O'zbekiston terma jamoasiga xuddi shunday munosabatda bo'linsa Yaponiya tomonidan xafa bo'lamiz.
O'FA har bir stadion va mashg'ulot maydoni uchun OFKdan keladigan summaning malum bir qismini bersa, yoki o'zi o'sha pullarni sarflab maydonlarni yaxshilasa, dush, hojatxona va hokazolarni qursa keyinchalik yana xalqaro musobaqa bo'lsa foydalansa bo'ladiku. Nega bu xarajatlar ham klublarga ilinishi kerak?
"Jar" zaxira maydoni bo'lajak musobaqadan keyin ilma-teshik bo'lib ketsa kerak. Aslida hozir ham maydon yaxshi holatda deya olmaymiz.
Tojikiston U-20 terma jamoasi ustozi bugungi matbuot anjumanida mashg'ulot maydonlari haqida juda ham kuyunib gapirdi. Bunday maydonda futbolchi jarohat olish ehtimoli yuqoriligidan nolidi.
Yana bir terma jamoa vakillari esa nega bizga mashg'ulot o'tkazish uchun "ogorod"ni berdinglar deb kinoyali gap qilgani achinarli. Bu gaplarga kulish emas, yig'lash kerak aslida.
Maqolani quyidagi rasm bilan tugataman:
Bosh sahifaga
192