Ummon U-20 bosh murabbiyi Xuan David Mansilla: "Mashg'ulot maydonlari bahona bo'la olmaydi"

- Ummon terma jamoasi Osiyo kubogiga qanday tayyorgarlik ko'rdi?
- Terma jamoamiz bilan o'quv-mashg'ulot yig'inlarida ishtirok etdik va musobaqaga tayyorlanish uchun etarlicha imkoniyatimiz bo'ldi. Endi musobaqada o'zimizni ko'rsatishimiz kerak.

- Ummon terma jamoasining ushbu turnirdagi maqsadi qanday?
- Maqsadimiz keyingi bosqichga chiqish va ertaga bo'lib o'tadigan uchrashuvda Janubiy Koreya terma jamoasi bilan raqobatlashish, yaxshi o'yin namoyish etish. Janubiy Koreya terma jamoasi kuchli raqib, lekin biz ularga muammolar tug'dira olamiz deb umid qilaman.

- Toshkendagi ob-havoga futbolchilaringiz ko'nikib olishdimi?
- Toshkentdagi havo bir oz salqinroq, lekin bu futbol o'ynash uchun ajoyib ob-havo va bu bizga yordam beradi deb o'ylayman.

- Toshkentdagi mashg'ulot uchun yaratilgan sharoitlar haqida gapirsangiz, ob-havo va maydonlarning holatiga qanday baho berasiz?
- Hozirgi issiqlik darajasiga bizga qulay, maydonlar va sharoitlarga keladigan bo'lsak, maysa ideal holatda emas, lekin o'ynasa bo'ladi va bu erga biz kurashish uchun kelganmiz, mashg'ulot maydonlari esa bahona bo'la olmaydi.

- Ispaniyada ishlagansiz, Evropada ham shunday turnirlar ko'pmi? Bu turnirlarning Jahon chempionatiga yo'llanma berishdan tashqari, yana qandaydir foydasi bormi?
- Men Ispaniya futbol Federaciyasida 9 yil ishlaganman. Ko'p qobiliyatli o'yinchilar shunday musobaqalar orqali kashf etiladi, ushbu musobaqalar yoshlar uchun juda muhim va ushbu musobaqa orqali ko'pgina futbolchilar o'z salohiyatini namoyish eta oladi.

- Ertangi raqib Janubiy Koreya termasi haqidagi fikrlaringiz?
- Biz ushbu tarkib bilan 1 yildan beri ishlab kelayapmiz, Janubiy Koreya kuchli raqib lekin ularga yaxshigina muammmo tug'dira olamiz deb o'ylayman. Biz raqiblar haqida etarlicha malumotga egamiz va ularga qarshi yaxshi o'yin namoyish etamiz deb o'ylayapman.