Odilbek Abdumajidov: "O'zbekistonda ko'proq texnikaga asoslangan futbol o'ynaladi. Qozog'istonda esa kuchga ko'proq etibor qaratiladi"

2023-03-04 00:20:02 / Kiritdi: BestMaster O'qilgan: 45

Coca-Cola Superligasining 1-turidan o'rin olgan "Paxtakor" - "Olimpik" uchrashuvidan so'ng mehmonlar futbolchisi Odilbek Abdumajidov g'alaba haqida fikr bildirdi.

- Rasmiy debyut va golingiz haqida fikringiz?

- Nima ham deya olaman. Alloh nasib qildi, gol urdim. CHempion jamoaga qarshi o'ynadik. Ulardagi aksariyat futbolchilar terma jamoada o'ynashadi, o'zimizning akalarimiz. Yaxshi tayyorgarlik ko'rdik, yaxshi yig'inlar o'tadik.

- Farrux Sayfievning golidan keyin himoyada qandaydir palapartishlik bo'lgandek tuyildi. Jamoa bunga ruhan tayyormidi?

- Tayyor edik. SHunchaki, pressingda ko'proq o'ynaganimiz uchun biroz charchoq bo'ldi. Ular hujumga katta kuch bilan o'tishdi. Sabab shunda.

- Qozog'iston va O'zbekiston chempionatlari farqi?

- O'zbekistonda ko'proq texnikaga asoslangan futbol o'ynaladi. Qozog'istonda esa ko'proq kuchga etibor qaratiladi. U erda ko'proq legionerlar rol o'ynaydi.

- "Ordabasi"dan qaytganingizdan so'ng Superliganing bir necha klublaridan yaxshi takliflar bo'ldi. Nega aynan "Olimpik"ni tanladingiz? Maqsad Olimpiada edimi?

- Ha, aynan Olimpiada sabab "Olimpik"ni tanladim.

Teglar: odilbek, abdumajidov, ozbekistonda, koproq, texnikaga, asoslangan, futbol, oynaladi, qozogistonda, kuchga, koproq, etibor, qaratiladi,
← Oldinga Orqaga →