Siz Tom Murni tanimasligingiz mushkul vazifa. Uzr, kapitan Tom Murni. Bu qaxramon bobo 100 yoshli yubileyidan avval marafon tashkillashtirgandi: uyining orqa hovlisida 25 metrli yugurish maydonchasini yuz marta bosib o'tishi va bu orqali unga saratonni engishda va singan sonini davolashda yordam bergan Milliy sog'liqni saqlash xizmati (NHS) xodimlari faoliyatini qo'llab-quvvatlash uchun mablag' to'plamoqchi edi. Yanvar oyi oxirida qayg'uli xabar tarqaldi: Mur koronavirusga chalindi. Yoshi ulug' insonning nafas olishi qiyinlashib, shifoxonaga etkazildi. 2 fevral kuni Tom Mur vafot etgani haqida uning qiziga malum qilindi.
Hayotining so'nggi daqiqalarini u yaqinlari davrasida o'tkazdi. Ular bolalik haqida suhbatlashib, ajoyib damlarni eslashdi, ham kulishar, ham yig'lashardi: "Otamiz umrining oxirgi yili ajoyib o'tdi. U xuddi yoshargandek edi va o'zi orzu qilgan ko'plab ishlarni amalga oshira oldi. Ko'pchilik uni yaqin-yaqindan bilgan bo'lsa-da, u mehribon ota va ajoyib bobo sifatida bir umr bizning yodimizda qoladi".
Angliyadagi mashhur charxpalak London Eye qaxramonga atab so'nggi bor "salyut" uyushtirdi:
Murning rasmi Sautport ko'chalaridan birida:
Bu APLning "Lids" – "Everton" bahsidan avval:
"Byornli" va "Manchester Siti" o'yinchilari ham mashhur insonni xotirlashdi:
Keling, pandemiya vaqtida ko'pchilikni ruhlantirib, umid bera olgan Tom Mur qaysi xizmatlari bilan yodda qolganini eslaylik.
Yozda u Milliy sog'liqni saqlash xizmatiga yordam berish uchun o'ziga xos marafon o'ylab topdi: u har kuni 10 krug masofani bosib o'tishi kerak edi. Bu marafon orqali 1000 funt to'plash niyat qilingandi, ammo u minglik chegarasidan o'tib ketdi: ushbu xayrli ish uchun Tomga butun dunyodan minglab odamlar turli miqdorda pul jo'natishdi. Kapitan Mur marraga eta oldi (100 krug), shifokorlar uchun to'plangan summa esa 33 mln funtdan oshib ketdi.
Bunday natijadan Boris Jonson ham hayratga tushdi. Buyuk Britaniya bosh vaziri kapitan Murni ricarlik unvoniga nomzod sifatida ko'rsatdi — Tom Mur endi serga aylandi (ser Tom Mur).
Marafon kapitan Murning yagona qaxramonligi emas. Qo'shiqchi Maykl Boll va NHS xodimlari bilan Tom You’ll Never Walk Alone qo'shig'ini yozishda ishtirok etdi — og'ir davrdagi eng yaxshi hadya. Qo'shiq britan chartida eng yuqori pog'onaga ko'tarildi. O'shanda 99 yoshli kapitan qo'shiqning eng yoshi ulug' ijrochisi bo'lgandi — taqqoslash uchun: avvalgi rekordchi Tom Jons 68 yosh va to'qqiz oyligida qo'shiqni ijro etgandi.
"Nabiralarim men chart topida ekanligimga hali ham ishona olishmayapti! Biz birgamiz, men doim qo'llab-quvvatlaganingiz uchun sizlardan minnatdorman. Inson hech qachon yolg'iz emasligini shu holat isbotlaydi", — deb muvaffaqiyatiga munosabat bildirgan Mur.
Tabiiyki, qo'shiq orqali ishlangan mablag'lar NHSga yo'naltirildi. Bundan keyin Mur Hindiston va AQSHga sayohat haqida orzu qila boshladi — o'sha mashhur 66 shosseni o'z ko'zi bilan ko'rmoqchi edi...
Tom Murning yorqin xotirasiga bag'ishlanadi.
Nozima Zaripova tarjimasi
Bosh sahifaga
442