Farg'onada chempionatimizning ikki azaliy raqiblari "Neftchi" - "Paxtakor" uchrashadi. Bu o'yinga o'tishdan oldin jamoalarning birinchi turdagi o'yinlariga qisqacha xulosa beramiz.
"Neftchi"
Bekobodda chempionat startiga ikki xil kayfiyatda etib kelgan jamoalar to'qnashdi. Superliganing 13ta jamoasi qishni Antaliya, Dubayda o'tkazgan bir pallada "Metallurg" qorli va sifatsiz maydonlarda shug'ullandi. Odatdagidek jamoalar sparring raqib sifatida ko'rildi. "Neftchi" 40 kun davomida Turkiyada o'zidan bir bosh baland raqiblarga qarshi maydonga chiqdi. Taraddud ko'ngildagidek kechdi. Bu xatto o'yin davomida ham sezildiki, Vitaliy Levchenko futbolchilarni yaxshilab toblagan. "Metallurg"ning siyosati o'tgan yili asosiy etiborni yoshlarga qaratish, tarkibni mahalliy futbolchilardan shakllantirish edi. Lekin Luisma Ernandes bu bilan natija qila olmasligini sezdi shekili, xorijlik futbolchilarni jalb qildi. "Neftchi"da futbolchilar yaxlitligi bor. Tarqoqlik ko'zga tashlanmadi. Maydonda o'zaro tushunish yaxshi darajada. Futbolchilar o'zlarining kuchli tomonlaridan foydalana olishyapti. Farg'onaliklar bu o'yingacha so'nggi bor Bekobodda 2015 yilgi mavsumda g'alaba qozongan edi. Demak seriyaga barham berildi.
 Metallurg | Superliga. 1-tur 03/03/2023, 18:30 3 : 0 Tugadi |  Neftchi Mirzohid G’ofurov - 28', Umar Adhamzoda - 33', Umar Adhamzoda - 87' |
"Paxtakor"
Qaysidir manoda kutilgan va kutilmagan natija qayd etilgan uchrashuv. Kutilmagan bu tarkibdagi futbolchilarning tajribasi va darajasi bo'yicha "Paxtakor"ning ustunligi, kutilgani Timur Kapadzening jamoasi o'tgan yili ham ikkita bahsda etarlicha qarshilik ko'rsatib ochko olgani va raqibining tarkibidagi muammolari. Darhaqiqat, hozirda Maksim SHackixni o'ylantirayotgan ayrim jihatlar yo'q emas. Birinchisi hujum, shu kuni asli vinger Sardor Rashidov sof forvard rolida paydo bo'ldi. Ming qilsa ham unda nuqta qo'yadigan hususiyat kam. Banashak yaxshi hujumchi, lekin jarohatga moyiliggi borligini guvohi bo'ldik. Kuzga borib OCHLda ishtirokini boshlaydigan "Paxtakor" yozgi transferlar oynasida yaxshi hujumchi olishi kerakligini aytish joiz. CHerandan xujumchi rolida foydalanar, lekin xalqaro maydonda CHeranga qarshi katta saviyadagi himoyachilar o'ynaydi.
Bosh sahifaga
219