O'yin haqida
- Og'ir o'yin o'tkazdik. Ko'rib turibsizlar, Qarshiga kelgan raqib himoyadan o'yin tashkil etayapti. Ikkinchi bo'limda tezlikni yanada oshirdik. Har doim shunday o'ynashga harakat qilayapmiz, lekin bazi xolatlarga g'alaba qozonishimizga to'sqinlik qilayapti. Raqiblar tempni tushirishga, vaqt cho'zishga urinishayapti. Asosiysi g'alaba, bu bizga zarur edi. G'alaba bilan muxlislarni va jamoa vakillarini tabriklaymiz.
- Javohir Sidiqov yaxshi harakat qildi. Uning almashtirilishiga sabab nima bo'ldi?
- Javohir katta hajmdagi ishni bajardi. Bugun ham penaltini o'z zimmasiga oldi. Uning harakatlaridan qoniqish hosil qilayapmiz. O'yin oxirida uzun uzatmalar uslubiga o'tdik, shu bois uni zaxiraga oldik.
- Bahrom Abdurahimov qaydnomaga kiritilmadi. Unda jarohat bormi?
- Bahrom to'liq tiklanib ulgurgani yo'q. Kechagi mashg'ulotda uning tiklanmagani ko'rindi. Bizda jarohatlar bor, shuningdek etakchi o'yinchilarimiz jamoani tark etdi. SHuningdek, Marko hozir yordam bera olmaydi, shuningdek yana bir legioner Lima ham. Standart vaziyatlarda bu sezilib qolayapti. Bahrom bilan Lima ertaroq safga qo'shilishadi. Marko 1-2 oy atrofida safga qaytishi qiyin, u jarrohlik amaliyotini boshdan o'tkazdi.
- Muhammadjon Rahimov o'yinga to'liq qo'shilib keta olmaganiga sabab nimada deb o'ylaysiz?
- U Tojikiston chempionatidan bizga kelib qo'shildi. Unga ozgina vaqt kerak.
Bosh sahifaga
234