"Fiorentina" - "Inter"
"Fialkalar"ning tarkib bilan bog'liq muammolari bor. Jamoa uchun juda muhim bo'lgan o'yinchilar Kastrovilli va Milenkovich maydonga tushmaydi. SHuningdek, Frank Riberi ham bahsni o'tkazib yuborish ehtimoli bor. Ammo Kokorin qaydnomadan o'rin oldi. Aleksandr boshlang'ich tarkibda maydonga tushmasligi mumkin, biroq joker vazifasini bemalol bajarishi mumkin. Antonio Konte ixtiyorida esa deyarli barcha o'yinchi bor. SHu sababli, u albatta kelgusidagi uchrashuvlarni ham hisobga olgan holda, istaganicha tarkibni o'zgartirishi mumkin. Ehtimol, Lautaroga dam berilar, Lukaku bilan juftlikda Sanches maydonga tushishi mumkin. Boshlang'ich tarkibda Kristian Eriksen bo'lish ehtimoli ham yo'q emas.
Jamoalar oxirgi marta yaqinda Italiya Kubogi doirasida uchrashgandilar va "neradzurri" qo'shib berilgan vaqtda g'alabani ilib ketgan. Bukmekerlar "Inter" yaqqol favorit ekanini takidlashmoqda. Umuman olganda, ular "fialkalar"ga ishonishmayapti.
"Yuventus" - "Roma"
Bentakur diskvalifikaciya tufayli ushbu bahsda ishtirok etolmaydi, startda Rabo maydonga tushadi. SHuningdek, "Inter"ga qarshi bahsda dam olgan Morata, Keza va Bonuchchi tarkibga qaytishi kerak. Biroq Dibala maydonga tushishi so'roq ostida qolmoqda. "Roma"ning muammolari bisyor: Pellegrini o'ynamaydi. Fonseka esa uning o'rniga kimni tushirish haqida obdon o'ylab ko'rishi lozim. Biroq Pedro va El-SHaaravi safga qaytdi. Qiziq holat: Jeko murabbiy bilan yarashib oldi va o'tib ketishi mumkin bo'lgan jamoaga qarshi o'ynaydi.
So'nggi o'zaro bahsda durang qayd etilgan (2:2). "Yuventus" — favorit, jamoa ketma-ket olti uchrashuvda g'alaba qozondi va bu seriyani davom ettirishga kuchi etadi. Ammo "Roma" bunga qarab turmaydi. Bahs juda qiziqarli bo'lishi tayin.
"Atalanta" - "Torino"
"Atalanta"ning qanot bilan bog'liq muammolari bor, deyarli barchasi jarohat olgan. SHu sababli, kim bu poziciyani to'ldirishi hozircha aniqmas. Balki hujumkor o'yinchilardan biri bu vazifani o'z zimmasiga olar?! "Torino"ning tarkibdagi muammolari biroz kam. Sanarabiya koronavirus tufayli klubga yordam berolmaydi. Biroq himoyani yanada mustahkamlay oladigan Icco tuzaladi. Belotti bilan hamkorlik uchun katta ehtimol bilan Mandragora tushadi. Birinchi doira uchrashuvlarida "Atalanta" 4:2 hisob bilan g'olib bo'lgandi. O'yin favoriti — "Atalanta", lekin "buqalar" osonlikcha taslim bo'lmaydi.
"Jenoa" - "Napoli"
"Jenoa" yaxshi harakat qilmoqda. Balardini o'yin ritmini topishga muvaffaq bo'ldi va "grifonlar" ketma-ket ikki uchrashuvda g'alaba nashidasini quchdilar. Murabbiy tarkibni butkul o'zgartirishdan yiroq. SHomurodov zaxirada qolib, 2-taymda maydonga tushishi mumkin. "Napoli"da koronavirusga chalingan Fabian Ruis safga qaytishi mumkin. U to'liq o'ynamasligi mumkin. Insine va Mertenes esa maydonga tushmaydi. Ularning o'rniga Politano-Petanya-Lozano uchligi o'ynaydi. "Napoli" 1-doirada uyda "Jenoa" darvozasiga oltita javobsiz gol urgan. SHuning uchun, "partenopeyclar" favoritdir. Bir narsani takidlash lozim. CHorshanba kuni jamoa Italiya Kubogida ishtirok etdi va ancha kuch sarfladi. SHunday ekan, "grifonlar" kuchli futbol namoyish etishi mushkul. Balardini esa buni yaxshi tushunib turibdi...
"Milan" - "Krotone"
Piolining baxtiga CHalxanoglu o'yinga qaytadi va "rossoneri" hujumiga katta o'zgaruvchanlik qo'shadi. Benasser ham jismoniy formasini yaxshiladi va "Milan" maydoni markazini yanada to'ldiradi. To'g'ri, Ker — katta yo'qotish, lekin Tomorini sinab ko'rish ayni muddao. "Krotone"ga kelsak, u erda hammasi joyida. "Akulalar"da diskvalifikaciya qilingan Messinadan tashqari hech qanday yo'qotish yo'q. Ehtimol, so'nggi o'rinda borayotgan jamoa uchun buning katta ahamiyati yo'qdir. Klub mudofaasida nimadir o'zgarishi qiyin. Qolaversa, "Krotone" A Seriyada eng ko'p gol o'tkazgan jamoadir.
Birinchi doira uchrashuvlarida "Milan" hech bir qiyinchiliksiz g'alaba qozongan (2:0). Ko'rinib turibdiki, bu galgi bahsda ham "rossoneri" yaqqol favorit. Jamoa turnir jadvalida 1-pog'onada bormoqda va Milan klubi "akulalar" keskin harakat qilishiga shunchaki qarab turmaydi.
Sergey Rumyancev
Nozima Zaripova tarjimasi
Bosh sahifaga
360