«Paxtakor» garchi ketma-ket yutqazgan bo'lsada jamoadagi g'oliblik ruhi, mentalitetidan kelib chiqsak, chempionlik poygasida tabiiyki qatnashadi. Jamoaga ishtiyoq va azart qaytsa yana avvalgi salobatli «Paxtakor»ga aylanadigandek.
Lekin kelasi tur jamoa uchun finalga teng. CHunki «Navbahor»ning ehtimoliy g'alabasi «Paxtakor»ni chempionlik poygasidan norasman chiqarib yuborish bilan birgalikda, jamoaning asl muammosini ko'rsatib berishi ham mumkin.
Hozircha muammo futbolchilarda yonmayotgan uchqun, yo'qolgan ishtiyoq va azart bilan bog'liqqa o'xshamoqda. Muhim va o'ta jiddiy bahs. Yo'qotishlarsiz ketayotgan va liga peshqadamiga aylangan «Navbahor»ga qarshi o'yinga murabbiy jamoada yo'qolgan ishtiyoqni «uyg'otishi» kerak. Aks holda muammo boshqa joydan paydo bo'lishi va «Paxtakor» dastlabki 3 o'yindayoq etakchidan 9 ochko ortga qolib ketishi ortidan savollar manzili o'zgarib qoladi.
Hozircha «Paxtakor» SHackix boshqaruvida «Navbahor»ni yutgani yo'q. Buni amalga oshirish uchun esa bundan qulay fursat Maksda bo'lmasligi mumkin.
Superliganing 3-turi nafaqat «Paxtakor» yoki «Navbahor» uchun juda muhim, balki ligadagi asosiy intriga chempionlik poygasining burilish nuqtasiga aylanishi mumkin.
CHunki «Navbahor» agarda «Paxtakor»ni Toshkentda mag'lub etsa, unda chempionlik vazifasi vaqt masalasi aylanadi. CHunki chempionlik yo'lida «Navbahor»ga faqatgina «Paxtakor» chinakam raqobat qilishga qodir yoki aksincha to'g'rirog'i.
Bronza medali uchun kurash esa ancha keskin kechadi va bunda hozirgi «Bunyodkor» yana kurashga qaytish potencialiga egadek taassurot qoldirmoqda. «Neftchi» ham medallar uchun kurashga qaytgandek. «Nasaf» yoki OKMK ham tabiiyki uchlikka kurashadi. Ammo bu uchlikning yangi va shaxsiy fikrimcha yaqqol favoriti paydo bo'ldi, bu — «Olimpik».
Bu shunchaki ilk xulosalar. CHempionat uzoq va kim uchun mavsum qanday davom etishiga ham ko'p narsa bog'liq. Lekin hayolda aylanayotgan fikrlarimni shu erda qoldirgim keldi.
Hamma narsa tugagach vaziyatga qarab tahlil qilish, fikr bildirishdan osoni yo'q. Lekin issig'ida tahlil qilib, imkoniyatlarni chamalash va to'g'ri baholash esa eng qiyini.
Kichik tajriba va jamoalarning hozirgi salohiyati shunday xulosaga bermoqda.
Ha aytgancha, ligada jon saqlash uchun pastki oltilik «Surxon», «Metallurg», «Qizilqum», «Turon», «So'g'diyona» va «Buxoro» o'rtasida yaxshigina raqobat bo'ladi.
SHahboz Beg'amov
Bosh sahifaga
158