Yaqingacha Ravshan Haydarov boshchiligidagi O'zbekiston yoshlar terma jamoasi haqida hech kim bilmasdi.
“Marokash ertagi”ni eslatib yubording O'zbekiston U-20.
Ijtimoiy tarmoqlarda, saytlarda terma haqidagi xabarlar ostidagi izohlarning deyarli barchasi ijobiy va samimiy tarzda qoldirilgan. Muxlislar, yoshu qari umuman barcha yigitlarga ajoyib g'alabalar uchun, mardona kurash uchun minnatdorchilik bildirmoqda. Terma jamoamizning o'yinlari, yiqilib qayta tura olishi va yigitlarning g'alabalarni o'ziga xos tarzda nishonlashlari menga Qatarda bo'lib o'tgan JCHdagi “Marokash ertagi”ni eslatib yubordi. Hissiyotlar ham o'xshash. Golni sajda qilish orqali nishonlash.
Terma etakchilaridan biri Abbosbek Fayzullaevning g'alabani onasi bilan birga nishonlashi hammasi ajoyib. Darvozabonimiz Otabek Boymurodovning o'zini tutishi, doimiy tabassum bilan harakat qilishi (Yassin Bunuga o'xshatdim) qaltis, bosim kuchaygan vaziyatlarda sheriklariga xotirjamlik taqdim qilayotgani ayni haqiqat.
Avstraliyaga qarshi o'yinda hisobda ortda borayotkanimizda ham terma azolarining ko'zlarida xotirjamlik ko'rinib turgandi. Mundial masalasi hal bo'layotgan daqiqalarda ortda borayotib gol urib keyin penaltilar ceriyasida g'alaba qozonish uchun mahoratning o'zi kamlik qiladi. Yigitlar ruhiy tomonlama ancha ulg'ayishgan, bu borada futbolchilarning oila azolariga, ota-onalariga alohida «respect».
Bugungi o'yin haqida.
Final ostonasida Janubiy Koreyada ham biznikilarda ham bosim yo'q. Asosiy vazifa uddalab bo'lingan. Koreyslarning o'yin uslubi, taxminiy o'yin kartinasi, ustun va kamchiliklar bular xususida to'xtalmayman. Biroz oldin saytimizda o'yin prevyusi taqdim etildi.
Xalq og'zaki ijodida bir ibora bor “ertaklarning yakuni yaxshilik bilan tugaydi”. Yigitlar allaqachon ertak yaratib bo'lishdi, davomini esa bugun 19:00 da «Bunyodkor» stadionida yoki Uzreport Tv orqali ko'rishingiz mumkin bo'ladi.
Jaloliddin Xalilov.
Bosh sahifaga
201