Xabaringiz bor, bugun O'zbekiston yoshlar terma jamoasi Osiyo kubogi U-20 turnirining yarim finalida Janubiy Koreyaga qarshi maydonga chiqadi. Turnir avvallari U-19 Osiyo chempionati deb nomlanardi va 19 yoshgacha bo'lgan futbolchilar o'rtasida o'tkazilardi. Joriy yildan boshlab esa musobaqa formati o'zgardi.
O'zbekiston yoshlar terma jamoasi eng yaxshi natijasini 2008 yilda qo'lga kiritgan. O'shanda Ahmadjon Ubaydullaev shogirdlari finalga qadar etib borgan. Hal qiluvchi bahsda esa yoshlarimiz BAAga imkoniyatni boy berib qo'ygandi. Joriy turnirda esa ushbu natijani yangilash imkoniyati mavjud. Buning uchun dastlab Janubiy Koreya to'sig'idan o'tishi kerak bo'ladi. Keling, 2008 yilgi musobaqaning yarim finali doirasidagi Janubiy Koreya — O'zbekiston uchrashuvini yodga olamiz.
U-19 Osiyo chempionati
1/2 final
Saudiya Arabistoni, "SHahzoda Muhammad bin Fahad" stadioni. 2008 yil, 11 noyabr
Janubiy Koreya U-19 — O'zbekiston U-19 0:1
Gol: SHerzod Karimov (17)
Janubiy Koreya U-19: 21.Kim Seung Gyu, 2.Jeong Jun Yon (16.CHoi Jung Han, 66), 3.Yun Suk Yang, 4.O Jae Suk, 5.Kim Yang Gvon, 6.Mun Ki Han, 7.Ku CHja CHeol, 10.CHu Yang CHeol, 17.YU Ji No (20.Hong Jeong Ho, 80), 18.Kim Dong Sub, 23.Kim Bo Kyung (15.Seo Yong Duk, 26)
O'zbekiston U-19: 1.Ilhom Jumanov, 4.SHerzod Azamov, 5.Dilyorbek Ermatov, 6.Sunnatilla Mamadaliev (22. Doston Abdurahmonov, 70), 8.SHerzod Karimov, 16.Oybek Qilichev (14.Zohid Raupov, 79), 17.Murod Xolmuhammedov, 18.Jusur Hasanov, 20.Islom To'xtaxo'jaev, 27.Ivan Nagaev (9.Kenja To'raev, 40), 28.Fozil Musaev
Ogohlantirishlar: Murod Xolmuhammedov (39), Zohid Raupov (82), Ilhom Jumanov (90+1)
CHetlatish: Kim Seung Gyu (90+2)
Uchrashuv videosi
Bosh sahifaga
212