"Milan" xo'jayini Jerri Kardinale allaqachon Sala bilan uchrashuv o'tkazgan. Yangi stadion San-Siro yaqinida joylashgan La Maura hududida qurilishi kutilmoqda. Endilikda "rossonerilar" ikki hafta ichida o'z loyihasini taqdim etishlari kerak.
Dastlab, "Inter" va "Milan" San-Siro hududida yangi stadion qurishga kelishib olishgandi, ular yangi arenani "Sobor" deb nomlamoqchi edi. Loyiha jamoatchilik bilan maslahatlashuvdan o'tishi kerak edi. "Inter" bosh direktori Alessandro Antonello fevral oyida "neradzurrilar" "Milan" bilan yangi stadion qurishga umid qilishayotganini aytgandi, ammo bu "rossonerilar"ning rejalarida hozircha mavjud emas.