- Sparring-raqib O'zbekistonning o'yiniga qanday baho berasiz?
- Yaxshi raqib. Bizni bu erda iliq kutib olishdi. Ozroq moslashish kerak bo'ldi, chunki Minskda sintetik qoplama maydonda harakat qilganimiz uchun bu erdagi maysaga o'rganish lozim edi. Yana bir muammo, ob-havo bilan bog'liq bo'ldi, sababi bu erda issiq boshlangan. Minskda +4°, +5° edi va hatto qor ham yog'ib yuborgan.
Bugun zaxirada 3 nafar futbolchimiz bor edi, ikkinchi jamoamiz Minskda Belarus bilan o'ynamoqda. Yigitlarga tasanno, borlarini ko'rsata olishmagan bo'lsa-da, natija yomon bo'lmadi.
- O'zbekistonning o'yinini qanday baholaysiz?
- U-20 Osiyo Kubogidagi ayrim o'yinlarini ko'rgandik. Ular katta ish qilishdi. Oldingi chiziqda tezkor futbolchilar harakat qilishi, himoyada 5 nafar himoyachi o'ynashidan xabarimiz bor edi. O'zbekistonlik ayrim futbolchilarni yorqin kelajak kutmoqda.
- Kimnidir ajratib ko'rsata olasizmi?
- Zaxiradan tushgan Asad Jo'raboev va 14-raqamli Abbos Fayzullaevning o'yinlari manzur keldi – tezkor va texnikasi yuqori. "Rubin"da o'ynayotgan Umarali Rahmonaliev ham chiroyli o'yin namoyish etyapti.
- Rossiya MTJ ustozi Valeriy Karpin O'zbekiston terma jamoasini Evropadagi Sloveniya va Slovakiya darajasida ekanligi takidladi. Siz O'zbekiston yoshlarini U-20 darajasidagi qaysi termalar bilan solishtira olasiz?
- Biz ko'p jamoalarga qarshi o'ynaganmiz. Turli yillarda har xil jamoa va futbolchilar paydo bo'lmoqda. Keyinchalik yangi darajaga ko'tarilishmoqda. Biz ko'p ham xalqaro o'rtoqlik o'yinlarida qatnasha olganimiz yo'q. Oxirgi marta bir yil oldin yig'ilgandik. Sankt-Peterburgda yig'ilganimizda, turli klublar bilan bahs olib borgandik. Terma bilan 2017 yilda o'ynaganmiz. SHuning uchun hozir javobingizga javo berishim qiyin. Ko'plab jamoalar siz singari 5-2-3 sxemasida harakat qilayotganini aytib o'tishim mumkin xolos.
Bosh sahifaga
339