KONMEBOL jahon chempioni va ko'plab "Oltin to'p"lar sohibi Lionel Messi sharafiga yangi haykal yasatdi. SHu tariqa, uning nomi Janubiy Amerika futbolida Diego Maradona va Pelelar qatorida abadiylashtirildi. Qatardagi mundialda terma jamoasini chempionlik sari etaklagan hujumchiga so'nggi 12 oy davomida qo'lga kiritgan ikki kubogi – Jahon chempionati va Finalissima bosh sovrini replikalari topshirildi.
35 yoshli futbolchi yaqinda o'zining 800-golini urdi. Uning Argentina uchun kiritgan to'plari soni 99 tani tashkil etadi. Seshanba kuni bo'lib o'tadigan o'yinda Leo 100-golini urishi mumkin.
PSJ hujumchisi uning yutuqlari yana bir bor eslangani borasida fikrlarini bildirdi:
"Mening orzum professional futbolchiga aylanish va hayotimda zavqlanadigan ishimni qilish edi. Men juda uzoq yo'lni bosib o'tdim. Men har doim oldinga qarab yurdim va g'alaba qozonishni xohladim. O'ylashimcha, eng muhimi, o'z orzularingiz uchun kurashish. CHunki hamma narsaning iloji bor".
Bosh sahifaga
353