28 yoshli futbolchi ayni paytda Angliyada, u allaqachon tibbiy ko'rikdan o'tishga ulgurdi. Erkin agent maqomida bo'lib turgan forvard ingliz klubi bilan mavsum oxiriga qadar shartnoma imzolashi kutilmoqda.
Ammo, "Vest Bromvich" rahbariyati jamoaning xarajatlarini kamaytirmoqchi, shu tufayli Musa bilan tuzilajak shaxsiy bitim shartlarini kelisha olmayapti. Futbolchiga APLning boshqa klublari ham qiziqish bildirmoqda.
Eslatib o'tamiz, nigeriyalik o'yinchiga Angliya chempionati begona emas. U 2016-2018 yillarda "Lester" sharafini himoya qilgan edi. Ahmad Musaning so'nggi klubi Saudiya Arabistonining "Al Nassr" klubi bo'lgan edi.