Live  La Liga. "Elche" – "Barselona" 0:4 (matnli translyaciya)

70. GOOOOOOOOOOOOOOL! Ferran Torresning chap oyoqdagi aylanma zarbasidan keyin to'p darvoza to'ridan joy oldi – 0:4!

68. Uchrashuvning eng yaxshi futbolchilaridan biri Gavi o'z o'rnini Kessega bo'shatib berdi.

66. GOOOOOOOOOOOOOL! "Elche" xatosidan unumli foydalangan "Levangolski" dublni rasmiylashtirdi – 0:3!

65. Tete Morente o'rniga Xosan, Lautaro Blanko o'rniga Nikolas Fernandes maydonga tushdi.

64. Zarbalar bo'yicha hisob – 1:4.

60. O'yindagi ilk sariq kartochka: Gavi qo'pollik ishlatgani uchun ogohlantirildi. 

56. GOOOOOOOOOL! Ansu Fati chap burchakni nishonga olib, hisobni oshirdi – 0:2!

54. Xose Anxel Karmona jarohat tufayli o'yinni davom ettira olmadi. Uning o'rniga Raul Guti tushirildi.

48. Bugungi bellashuvni tomosha qilish uchun 28142 tomoshabin kelgani elon qilindi.

46. Ikkinchi taym boshlandi! 

Birinchi taym tugadi. Hozircha hisob – 0:1. Tanaffus! 

45. Birinchi bo'limga 1 daqiqa qo'shildi. 

45. Zarbaaa! Qanday seyv! Gavining qulay pasidan so'ng Kunde xavfli zarbaga mualliflik qildi. Badiya bu holatda jamoasini goldan saqlab qoldi.   

43. Uuuux! Ferran Torresning havolatib amalga oshirgan pasidan keyin Levandovski bosh bilan zarba berdi, biroq aniqlik etishmadi. 

41. Gavi Klerkni yiqitdi. Tomoshabinlar hakamdan "Barselona" futbolchisiga kartochka ko'rsatishni so'rashmoqda. 

38. Palasios Gaviga nisbatan qo'pollik ishlatdi, hakam qoida buzish qayd etdi, muxlislar esa norozi.

38. Mezbonlar faollikni oshirishdi. Faqat hozircha standartlardan foyda bo'lmayapti. 

34. "Elche" burchak zarbasini amalga oshirgach, ter SHtegen to'pni ilib oldi. 

27. Zarba! Albaning uzatmasidan keyin Levandovski zarba yo'lladi, to'p yo'liga himoyachilar g'ov bo'lishdi. 

25. Etibor bergan bo'lsangiz, Erik Garsiya bugun tayanch yarim himoyasida o'ynamoqda. 

20. GOOOOOOOOOOOOOOOOL! Arauxoning pasidan so'ng Levandovski to'pni darvozaga yo'lladi – 0:1!  

16. O'yindagi holatlar keskin tus olmayotganini inobatga olib, kataloniyaliklarga doir yangilik bilan bo'lishamiz. "Catalunya Radio"ning yozishicha, "ko'k-anorranglilar" chap qanot vingerligiga futbolchi qidirmoqda. Ro'yxatda Son Xyon Min, Saloh va Luis Dias nomlari bor.

12. Levandovski katta tezlikda oldinga borayotganda raqib himoyachisi tomonidan to'xtatib qolindi.

10. Pedro Bigas Levandovskiga nisbatan sal qo'pol harakat qildi, hakam o'yinni to'xtatdi.

7. "Barselona" sekin-asta nazoratni o'z qo'liga olmoqda. Hozircha aytarli xavfli vaziyat ro'y bermadi. 

3. Burchak zarbasidan samara chiqmadi, "Barsa" himoyachilari to'pni uzoqlashtirishdi.

2. Tete Morentening zarbasi yo'l-yo'lakay Albaga tegib, yo'nalishini o'zgartirdi, burchak to'pi.

1. Uchrashuvga start berildi!

 "Martines Valero" uchrashuvni qabul qilishga shay!

- Bahs 00:00 da boshlanadi. 

- Assalomu alaykum, qadrli futbol ixlosmandlari! Bugun "Barselona!" "Martines Valero"da "Elche" mehmoni bo'ladi. Ushbu uchrashuvni yaqin 2 soat ichida biz bilan birgalikda kuzatib boring.