Ushbu hamkorlik doirasida ikki sayt birgalikda har oy Superliganing eng yaxshi murabbiy va eng yaxshi futbolchisini aniqlab kelmoqda.
Ovoz berish jarayonida Championat.Asia sayti jurnalistlari hamda Transfermarkt portalining rus bo'limi xodimlari ishtirok etishdi, taklif etilgan ekspert sifatida futbol sharhlovchisi Otabek Jo'raev qatnashdi.
Ovoz berish natijasiga ko'ra mart oyining eng yaxshi murabbiyi deb Vitaliy Levchenko tan olindi. Uning qo'l ostida "Neftchi" dastlabki 3ta turning barchasida g'olib bo'ldi (g'alabalardan biri amaldagi chempion "Paxtakor" ustidan). 9 ochko bilan jamoa musobaqa jadvalining eng yuqorisida bormoqda. Levchenkoga 23 ovoz beruvchidan 19 nafari ovoz berdi (82%).
Bahor faslining ilk oyida Husniddin Aliqulov eng yaxshi futbolchiga aylandi. "Nasaf" himoyachisi nafaqat himoyada, balki hujumda ham o'zini ko'rsatdi: u ikkita o'yinda jamoasiga g'alaba keltirgan gol muallifiga aylandi! Aynan Aliqulovning xizmatlari evaziga "Nasaf" ayni paytda peshqadamdan 3 ochko kam jamg'argan. Unga jurnalistlarning 56% ovoz berdi, "Navbahor" hujumchisi Temurxo'ja Abduholiqov va "Paxtakor" himoyachisi Farruh Sayfiev esa 17% ovozdan olishdi.
Bosh sahifaga
252