PREVYU+TAHLIL. "Andijon" - "Neftchi". Xomyakovning rejasi bu safar ham ish beradimi?

So'nggi o'yin

O'tish o'yini

NEFTCHI - ANDIJON 1:3

15 dekabr 2020 yil. Farg'ona. "Istiqlol" stadioni.

Hakamlar: Ilgiz Tantashev, Husniddin SHodmonov, Timur Gaynulin, G'ayrat Jo'raev

Nazoratchi: Marat Ismoilov

Komissar: Jahongir Rahmatullaev

Gol: Otabek Zokirov 8, 1:0, Doniyor Abdummanopov 31, 1:1, Farhod Soxibjonov 33, 1:2 Jamshid Homidov 89, 3:1

"Neftchi": 21. Farrux Turdaliev, 4. Mirjalol Nematov, 7. Mansurjon Saidov (S), 9. Otabek Zokirov, 10. Islomjon Toshpo'latov, 18. Javohir Rasulov, 20. Dilyorbek Irmatov, 34. Rustamjon Abduxamidov (31. Pavel Smolyachenko), 38. Umar Adxamzoda, 44. SHodiyor Hojimatov, 94. Anvarjon Hojimirzaev.

Zaxira: 96. SHuhratillo Rahmonov, 3. Timur Sultonov, 5. Eldor Ergashev, 8. Islombek Karimov, 31. Pavel Smolyachenko, 70. Dostonbek Bobojonov, 93. Sirojiddin Allaev, 99. Ilhomjon Vahobov.

"Andijon": 16. Eldor Adhamov, 3. Azamat Isroilov, 4. Farhod Mirahmatov, 5. Xushnudbek Avilov, 6. Baxtiyorjon Qosimov, 8. Farhod Bekmurodov, 17. Abdullo Olimov (S), 22. Usmonali Ismonaliev, 25. Qahramon Bahodirov, 28. Farhod Sohibjonov, 33. Doniyor Abdumannopov.

Zaxira: 13. Muhammadsolix Ubaydullaev, 11. Siroj Meliev, 20. Asilbek Azizov, 26. Muhammadkarim Toirov, 27. Muhammad Yuldashev, 80. SHahboz Jumaboev, 99. Jamshid Homidov.

Uslub jihatdan o'xshash jamoalar to'qnashuvi. Ammo...

"Andijon" ham, "Neftchi" ham murabbiylari uslubiy jihatdan birinchi o'rinda tartibli futbolni ustuvor deb hisoblashadi. Bunda ular ko'proq himoyaga tayangan holda, oldindagi ijrochilar hisobiga qarshi hujumda vaziyatlar yaratishga harakat qilishadi. Lekin "Neftchi"ning qoniqarli natijalari zamirida oldingi chiziqda yig'ilgan mahoratli va yaxshi saviyadagi futbolchilarning katta mehnati yotibdi. Umuman Levchenko yarim himoya va hujum chizig'i vakillarining kuchli tomonlaridan unumli foydalana olyapti. Nurillo To'xtasinov bunga yaqqol misol. Farg'onaliklar 4ta turda raqiblar darvozasi tomon 18 bor aniq zarba yo'lladi va shularning 9tasi gol bilan yakunlandi. Har bir uchrashuvda aniq zarbalar soni o'rtacha 4,5 tashkil qilmoqda. To'p nazorati borasida ko'rsatkich deyarli katta ustunlikka ega bo'lmayapti. O'rtacha har bir o'yinda 46,75 foiz to'pga egalik qilishmoqda. "Andijon"da bu 47 foiz hisoblanadi. Aleksandr Xomyakov jamoasi asosan butun uchrashuvni himoyaga etibor qaratgan holda o'yindagi kam sonli vaziyatlardan foydalanishga harakat qiladi. Pozicon hujumga deyarli kam o'tadi. 4ta turda jamoa raqiblari darvozasi tomon umumiy hisobda 5 bor aniq zarba yo'llashgan va bu kam. Albatta markazda Mamatkazin va Bubanya juftligi tartibli o'yin ko'rsatayotganini, raqiblari hujumini "avtobus" singari to'xtatayotgani bor gap. Standart vaziyatlarda ham aynan shu ikki mudofaa vakili katta sahnaga chiqadi.  "Neftchi"da ham markaziy himoyachilari kuchli. SHunga yarasha oldinda ham o'yinni hal qila oladigan ijrochilar ko'p. "Andijon"ga etishmayotgan, o'z o'yinini mukammal sifatida ko'rsatishga to'siq bo'lib turgan narsa shu. 

Mutaxassis fikri 

Kamoliddin Murzoev: "Vodiy derbisi nafaqat maydon ichida, balki maydon tashqarisida ham muxlislarning to'qnashuvi murosasiz o'tishini taminlasa kerak. "Andijon" "Olimpik" ustidan qozonilgan g'alabadan so'ng "Neftchi"dan ham ochko olishga astoydil intiladi. Bu uchrashuv "Neftchi"ni chindan ham sovrindorlar qatoriga kirishiga javob beradigan o'yin bo'ladi.

Yo'qotishlar 

Lutfulla To'raev tiklanish jarayonini davom ettirmoqda. "Andijon"da esa ikki nafar legioner Rubin Xebay va Nodar Kavtaradzelar yordam bera olishmaydi. Qiziq holat, bu yil 4ta uchrashuvda "Andijon"ning 3ta futbolchisi hakam tomonidan chetlatildi.  Jamoadagi 5 nafar legioneridan faqat Bubanya va Ahtam Nazarov qizil kartochka bilan siylanmadi. Xomyakov bu borada qandaydir ish olib bormasa, shu ketishda xorijlik mehmonlar mavsumni katta qismini bayroq va barabanlar bilan muxlis sifatida kuzatishlariga to'g'ri keladi.