Bugun Coca Cola Superligasining 5-turidan o'rin olgan "So'g'diyona" — "Metallurg" uchrashuvi bo'lib o'tdi. Yangi mavsumning boshlanishi ikkala jamoa uchun ham omadsiz keldi. Natijada ilk turlardanoq klublarning bosh murabbiylariga chiqish eshiklari ko'rsatildi. Bekobodliklar ispaniyalik Luisma Ernandes o'rniga chernogoriyalik Vesko Steshevichni bosh murabbiy etib tayinlagan bo'lsa, Jizzax klubi Steshevichning vatandoshi Ivan Boshkovichni jalb etdi. Demak, bo'lajak to'qnashuvda nafaqat yangi, balki chernogoriyalik murabbiylar to'qnashuvining guvohiga aylanamiz. Mazkur bahs qizg'in ruhda o'tishi hech gap emas, chunki ikka jamoaga ham yangi nafas kirgan, murabbiylar o'z imzolarini dastlabki o'yindayoq namoyon etishga harakat qilishadi.
Bulg'usi uchrashuv avvalida mazkur jamoalar o'rtasidagi yodda qolarli bo'lgan bahslardan biriga etibor qaratmoqchimiz. 2014 yilgi O'zbekiston Oliy ligasining 21-turida ikki jamoa ro'baro' keldi.
Hisob 2-daqiqadayoq Jasur Hakimov tomonidan ochildi. Oradan uch daqiqa o'tar-o'tmas SHuhrat Yo'ldoshev hisobni tenglashtirdi. 18-daqiqada Hakimov dublni rasmiylashtirdi. 34-daqiqada Sobir Hamidov hisobni ishonchli ko'rinishga keltirdi. Birinchi bo'lim shu hisobda yakuniga etdi. Ikkinchi bo'limda yana oldinga borgan mezbonlar hisobning yirik ko'rinish olishini taminladi. SHundan so'ng bekobodliklar o'zida shijoat topib, ketma-ket uchta to'p kiritishga va hisobni tenglashtirishga muvaffaq bo'ldi. Biroq 90-daqiqada Ayubxon No'monovning goli jizzaxliklarga uch ochko taqdim etdi.
Keyinchalik mazkur o'yin atrofida gap-so'zlar tarqaldi. Sababi "So'g'diyona" bundan ikki tur avval o'z maydonida "Navbahor"ni aynan 5:4 hisobida mag'lub etgandi. Aytishlaricha, bu uchrashuvlar FIFAning etiborini tortgan va bellashuv yozilgan diskni so'ragan.
"So'g'diyona" 5:4 "Metallurg"
Gollar: Jasurbek Xakimov (2, 18), Sobir Hamidov (34, penaltidan 56), Ayubxon No'monov (90) — SHuhrat Yo'ldoshev (5), Murod Toshmatov (59), Sunnat Ermatov (77), Sardor Rasulov (86)
"So'g'diyona": Aleksandr Melenchuk, Asiljon Begimqulov, Ilhom Komilov (Aleksandr Kablash, 18), Vusal Magerramov (Nodir Ibrohimov, 60), Suhrob Berdiev, Sardor Eminov, Sobir Hamidov, Orifjon Mamajonov, Ayubxon No'monov, Rustam Azamov, Jasur Hakimov (Sardor Qahhorov, 65)
Zaxira: Nodir Ashurmatov, Akmal Abdurahmonov, Botir Karimjonov, Rasul Hayitov
Murabbiy: Davron Fayziev
"Metallurg": Suhrob Sultonov, Saidkomil Akbarov, Davron Karimqulov, Hikmat Hoshimov, Murod Toshmatov, Said Abdujabborov (Sardor Rasulov, 69), Maruf Murodov, SHohnazar Norbekov (Mirtura Akbarov, 65), Mirg'iyos Sulaymonov, SHuhrat Yo'ldoshev (Sunnat Ermatov, 60), Alisher Ziyovuddinov
Zaxira: Rahim Rahmonberdiev, Nozim Esonov, Sunnatillo Mamadaliev, Aziz Ibragimov
Murabbiy: Rustam Mirsodiqov
Ogohlantirish: Suhrob Sultonov (55)
Eslatib o'tamiz, "So'g'diyona" — "Metallurg" o'rtasidagi bugungi bahs Zominda 15:30 da start oladi.
Bosh sahifaga
315