"Birinchi bo'limda 70 foiz yoki shunga yaqin kuch bilan o'ynadik. Bu o'rtada teng o'yin bo'lishi uchun etarli edi, biroq keyin raqiblar tomonidan raketa uchib keldi. Ikkinchi bo'limda harakatchan o'ynadik, ko'proq vaziyatlar yaratdik va raqib jarima maydonchasi yoniga joylashib oldik.
Biz birgalikda ishlayapmiz va barchamiz bir maqsad yo'lida birlashganimizni tushunishimiz kerak. O'rtada katta o'zgarishlar bo'ldi, biroq bu bahona bo'la olmaydi. Holatni to'g'irlash kerak va o'ylaymanki, bugungi o'yin buni ko'rsatib berdi. Kayfiyatni, boshni ko'tarib, g'alabalarni oddiy holatga aylantirish lozim.
O'z navbatida "Vulverxempton"ga tan berish kerak. Futbolchilar g'alaba yo'lida kurashgani ko'rindi va har bir kurashda g'oliblik uchun intildi. Biz esa ishlashda davom etib, ko'proq vaziyatlar yaratishimiz kerak. Balki jamoadagilar gol ura olmaslik xissiyotini o'rganib qolishgandir.
Ammo nima bo'lganda ham jamoa o'zi istayotgan joyda emas. Biroq haqiqat shunday. Mehnat evaziga holatni o'zgartirib, faqatgina oldinga yo'naltiradigan nuqtani topib olish, darajani ko'tarish kerak", - dedi Lempard.
Lempard: "G'alabali yo'lga tushib oladigan nuqtani topish kerak"
/ Kiritdi: BestMaster O'qilgan: 148
Bosh sahifaga
297