O'yin haqida
- Ko'rdinglar, qiziqarli o'yin bo'ldi. Lekin biz tomondan qaralgan bugungi hakamlik meni qoniqtirmadi. "Qo'qon-1912" tarkibida Superliga havosini olgan futbolchilar bor. SHundan kelib chiqsak, ularga hakamlarning yordami zarur emas deb o'ylayman. Kuchli jamoa, o'z oldiga Superligan maqsad qilgan, biroq bugungi o'yindagi hakamlik bizga yoqmadi. Hakam maydonda futbol o'ynash uchun qo'yib berishi kerak.
Bazi futbolchilarimiz "Universiada" musobaqasiga ketganliklari tufayli tarkibimizga kech qo'shilishdi. Ikkita gol hisobi bilan oldinda borayotganimiz uchun tavakkal qilib ayrim futbolchilarni zaxiradan o'yinga tushirmadik. CHunki, gol o'tkazib yuborsak, yutib turgan tarkibni o'zgartirishda murabbiyning aybi bo'lardi.
- Futbolchilaringiz ikkinchi bo'limda vaqt cho'zgandek ko'rindi. Bu murabbiylar shtabining ko'rsatmasi edimi?
- Yo'q, men yoki murabbiylar shtabi bunday ko'rsatma bermadik. Tarkibda son jihatdan kamroq bo'lganimiz sabab futbolchilar yuklamasi ikki hissa yuqoriroq bo'ladi. Bunaqa xolatda oyoq tomirlari tortishib qolishi tabiiy xol. SHifokor uni maydondan olib chiqib ketsa, bizda yana bir futbolchi kamayadi. Bundan bizga qanday foyda bor? Aksincha o'ynagani jamoa uchun yaxshiroq bo'ladi.
- O'tgan mavsum Birinchi ligada g'olib bo'lgansizlar. Pro-liga va Birinchi liga o'rtasidagi qanday farqni sezdingiz?
- Bu ikki liga o'rtasida katta farq bor. Pro-liga bu - salkam Superliga degani. Bizning aksariyat futbolchilarimiz yosh, bu ligaga moslashib ketishlari uchun bir oz vaqt kerak.
- G'anixonov, Rashidxonov kabi futbolchilar tarkibga kech qo'shilgani ham dastlabki turdagi natijalar salbiy bo'lishiga sabab bo'ldi deb hisoblaysizmi?
- Yo'q, agar ular ertaroq qo'shilganida ham natija shunday bo'lishi mumkin edi. Biz o'tgan mavsum Birinchi ligada g'olib bo'ldik, tarkibda aksariyat yosh futbolchilar. G'anixonov va Rashidxonov kabi futbolchilarning ham bizning jamoaga moslashib ketishiga ozroq vaqt talab etiladi.
Bosh sahifaga
268