- Uchrashuv haqida
- O'yin qiziqarli o'tishi kutilgandi. Ikki jamoa ham bir-biriga munosib. O'tgan yilgi o'yinlarda ham kurashlarga boy va ochiq futbol bo'lgandi. Bunga tayyorgarlik ko'rgandik. Yigitlar yaxshi harakat qilishdi. Qiziqarli o'yin guvohi bo'ldik. Birinchi bo'limda ikkinchi bo'limga qarganda kuchliroq harakat qildik. Bugungi bahs turning eng qiziq o'yini bo'lsa kerak. O'yin muxlisbop bo'ldi.
- Bugun yoshi katta o'yinchilardan Sanjar Tursunov va Anzur Ismoilov yaxshi harakat qildi. Ularning tajribasi haqida nima deya olasiz?
- Bu futbolchilarning jamoadagi o'rni muhim. Bu yillar davomida yig'iladigan tajriba. Mana, Jasur Hasanov ham 40 yoshida o'ynayapti. Bunday o'yinchilar Evropada ham bor.
- Jamoaning maqsadi qanday?
- Bu savol har o'yinda beriladi. Maqsad bo'lmasa, ishlashning hojati yo'q.
- Tunislik legioner Muhammad Salim va o'tgan mavsum "Olimpik"da porlagan Elyor Begimovga etarlicha imkoniyat berilmayapti. Ularning o'yinidan qoniqmayapsizmi?
- Eng ko'p rotaciya qiladigan murabbiy o'zimman. 20 ga 20 futbol o'ynaydigan bo'lsak, barchani maydonga tashlardim. CHempionat hali ancha vaqt davom etadi, o'yinlar juda ko'p. Vaqti kelganda, ularga imkoniyat taqdim etiladi.
- Jarohat olgan Mirjamol Qosimov va Vitaliy Denisov qachon safga qaytadi?
- Endi mashg'ulotlarga kirishdi. Qachon jismonan tayyor bo'lsa, ularni maydonda ko'rasizlar.
Bosh sahifaga
256