"Afsuski oxirgi o'yinlarda vaziyatlardan foydalanishda oqsayapmiz, ko'p imkoniyatlar bo'lmoqda, ammo gol ura olmayapmiz. Gol urmasangiz g'alaba qozona olmaysiz. Birinchi bo'limda himoyada va maydon markaziga ko'p xatoga yo'l qo'ydik, markazni raqibga berib qo'ydik. Bugun tarkib tanlashda xato qildim deb hisoblayman. Buning natijasida "Lokomotiv" ustunlikka ega bo'ldi. Gol o'tkazgach, yigitlar hisobni tenglashtirishga harakat qilishdi. Yigitlarga vijdonan o'ynashgani uchun rahmat aytaman. Bu yilgi mavsumda futbolchilarim barcha o'yinlarda oxirigacha kurashishmoqda. To'g'ri muxlislar doim g'alaba qozonishimizni kutishadi. Ammo har doim ham o'ylagan ishlarimiz amalga oshavermaydi.
Oldinda ikkita tur bor va chempionatni munosib tugatishga harakat qilamiz. Undan keyin kubokda ham ishtirok etamiz.
"Lokomotiv" Timur Kapadze murabbiy bo'lganidan keyin ijobiy tomonga o'zgarganini barcha ko'rib turibdi. Raqibni yaxshi o'rgangandik. "Lokomotiv"ni g'alaba bilan tabriklayman.
“Paxtakor” bilan o'yinda afsuski, Avaz Mamatxo'jaevni to'rtta sariq kartochka tufayli maydonga tushira olmagan edik. Murod Xolmuhammedov qanotda yaxshi harakat qilgandi. Bugun Muzaffarovni markazga qo'ydik va qanotga Xolmuhammedovni qo'ydik. Bugun ham Xolmuhammedov maydonda katta hajmdagi ishni bajarib berdi. O'z maydonimizda to'p tepganimiz sababli bugun hujumkor bo'lgan yarim himoyachi Muzaffar Muzaffarovni maydonga tushirgandim", - deydi Baxtiyor Ashurmatov.
Bosh sahifaga
269