"Turon" — "Olimpik"
- Jamoalar o'rtasidagi ikkinchi to'qnashuvda ham Timur Kapadze shogirdlarining qo'li baland keldi. Dastlabki bahs O'zbekiston kubogi doirasida bo'lgan va o'shanda ham "Olimpik" zafar quchgan;
- "Turon" joriy mavsumdagi 5-o'yinda ham g'alaba nashidasini sura olmadi;
- "Olimpik" mehmon sifatida Superliga doirasidagi so'nggi 7 o'yinning 6 tasida mag'lub bo'lmadi.
"Buxoro" — "Bunyodkor"
- "Buxoro" Superliga doirasida so'nggi 11 o'yindan beri o'z darvozasidan to'p o'tkazib yubormoqda. Voha klubi so'nggi bor 2020 yilning oktyabrida "Metallurg"ga qarshi bahsda darvozasi daxlsizligini saqlab qolgan;
- SHuningdek, Superliga doirasida buxoroliklar o'z maydonidagi 11 uchrashuvdan beri g'alaba qozona olmayapti. Jamoa so'nggi bor 2020 yilning avgustida "Surxon"ni qabul qilib, 1:0 hisobida enggan;
- "Bunyodkor" Superliga doirasida safardagi oxirgi 10 o'yindan beri mag'lubiyatga uchramayapti, "qaldirg'ochlar" oxirgi marta o'tgan yilning avgustida "So'g'diyona"ga yutqazgan;
- "Bunyodkor" safardagi 4 uchrashuvdan beri o'z darvozasi daxlsizligini saqlab qolmoqda;
- "Bunyodkor" 2018 yilgi mavsumdan beri eng yaxshi startini amalga oshirdi, o'sha mavsumda poytaxt klubi 6 o'yinda 5 g'alaba va 1 durang qayd etgandi;
- Igor Ivanovich o'tgan mavsum davomida "Dechich" klubi safida jami 2 ta gol urgandi, joriy mavsum esa toshkentliklar tarkibida 5 o'yinda gol-pas tizimida 2+2 natijani qayd etdi.
"So'g'diyona" — "Metallurg"
- "Metallurg" o'zaro so'nggi 5 uchrashuvdan buyon “So'g'diyona”dan gol o'tkazib yubormoqda;
- "So'g'diyona" o'z maydonidagi so'nggi 11 ta uchrashuvning 10 tasida "Metallurg"ga yutqazmadi;
- "So'g'diyona" o'z maydonidagi so'nggi 10 uchrashuvdan beri g'alaba qozona olmayapti;
- "So'g'diyona"ning Superligadagi g'alabasiz seriyasi 16 ta o'yinga etdi. Jizzaxliklar oxirgi bor 2022 yilning avgustida “Dinamo”ni mag'lub etishning uddasidan chiqqandi;
- "Metallurg"ning mehmondagi g'alabasiz seriyasiga 4 taga etdi;
- Ibrohim Ibragimov so'nggi bor 2021 yilda Superliga bahsida gol urgan va o'sha bahs bekobodliklar safidagi debyutiga to'g'ri kelgan. Qiziq tomoni, yarim himoyachi 5 tur ichida yana sariq va qizil kartochka olishga ham ulgurdi.
"Andijon" — "Neftchi"
- "Neftchi" 2007 yilgi mavsumdan beri eng yaxshi startini amalga oshirdi. O'sha yili farg'onaliklar ketma-ket 8 uchrashuvda g'alaba qozongandi, shunga qaramasdan yakunda vodiy klubi bor-yo'g'i 4-o'rin bilan kifoyalangan;
- "Neftchi" Superliga doirasida so'nggi 7 uchrashuvdan beri yutqazmayapti. Levchenko shogirdlari so'nggi bor 2022 yilning noyabrida OKMKga imkoniyatni boy bergan; Farg'onaliklar so'nggi bor 2014-15 yilgi mavsumlar davomida ketma-ket 9 uchrashuvda mag'lubiyatga uchramagan;
- Nurillo To'xtasinov o'tgan mavsum "Navbahor" tarkibida Superliga doirasida birorta gol urmagan, uning hisobida faqat yoshlar ligasi doirasida gol mavjud edi. Joriy mavsum farg'onaliklar safiga qo'shilgan To'xtasinov 5 uchrashuvda 3 ta to'p kiritishga muvaffaq bo'ldi, hatto 2 ta golli uzatma amalga oshirib, qizil kartochka olishga ham ulgurdi.
- "Neftchi" mehmon sifatida 4 uchrashuvdan beri g'alaba qozonmoqda va o'z darvozasi daxlsizligini saqlab qolmoqda.
- "Andijon" Superliga doirasida mezbon sifatida 5 o'yindan beri g'alaba qozona olmapyati, "burgutlar" so'nggi bor 2021 yilning sentyabrida o'z maydonida "Paxtakor"ni mag'lub etgan.
OKMK — "Navbahor"
- OKMK Superliga doirasida ketma-ket o'nta uchrashuvdan beri raqiblar darvozasini ishg'ol qilmoqda;
- Akrom Komilov 5 o'yinda 2 ta assist muallifiga aylandi, himoyachi o'tgan yil mavsum davomida shuncha golli uzatma amalga oshirgandi;
- OKMK Superliga doirasida o'z maydonidagi 4 o'yindan beri kamida 2 ta gol urmoqda.
"Nasaf" — "Surxon"
- "Nasaf" chempionat doirasida 13-marta "Surxon"ni o'z maydonida mag'lub etdi;
- "Nasaf" chempionat miqyosidagi o'zaro 17 o'yindan beri "Surxon" darvozasiga kamida ikkita to'p kiritmoqda, o'tgan yilgi O'zbekiston kubogidagi qarama-qarshilikni ham hisoblasak, ushbu ko'rsatkich yana bittaga ortadi;
- "Surxon" Supreliga doirasida safardagi 4 o'yindan beri g'alaba qozona olmayapti;
- Asadbek Karimov “Surxon” safidagi hamda Superligadagi dastlabki golini urdi. Karimov aavalgi gollarini OKMK safida Yoshlar ligasida urgan;
- "Surxon" darvozasini ishg'ol qilgan SHerzod Nasrullaev Superliga doirasida so'nggi bor 2021 yil "Mashal" darvozasiga gol urgandi;
"Paxtakor" — "Qizilqum"
- "Paxtakor" chempionat doirasida so'nggi 11 ta o'yindan beri g'alaba qozonmoqda, "Qizilqum" so'nggi bor 2017 yil o'z maydonida bir ochko qo'lga kiritgan;
- "Paxtakor" o'z maydonidagi 14 ta uchrashuvdan buyon "Qizilqum"ni mag'lub etmoqda;
- "Qizilqum" Superliga doirasida mehmondagi ketma-ket besh uchrashuvdan beri mag'lubiyatga uchramoqda.
Bosh sahifaga
776