O'ZARO O'YINLAR TARIXI
Bu ikki klub O'zbekiston yuqori ligasida hozirgacha 52 marta to'qnash kelgan. Ustunlik "lochinlar" tomonida. 26ta o'yinda "Navbahor" g'olib bo'lgan, 11 marta "Andijon" zafar quchgan. Qolgan 15ta bahsda durang qayd etilgan.
"Navbahor" o'zaro o'yinlarda 75 marta gol urgan, "Andijon" hisobida esa 49ta gol bor.
Namanganda o'tgan 26ta uchrashuvning 18tasida "lochinlar" zafar quchishgan, 7ta bahsda g'olib aniqlanmagan. "Burgutlar" bu raqib maydonidan faqat bir marta (2021 yil) g'alaba bilan qaytgan.
Etiborlisi, "Navbahor" o'z maydonida "Andijon"ni so'nggi bor 2016 yilda mag'lub etgan ekan. SHundan keyingi uchta bahsda Namangan klubi g'olib bo'la olmagan - 2ta durang, 1ta mag'lubiyat.
OXIRGI TO'QNASHUVLAR
2021 yil "Andijon" - "Navbahor" 1:2
2021 yil "Navbahor" - "Andijon" 0:1
2020 yil "Andijon" - "Navbahor" 0:0
2020 yil "Navbahor" - "Andijon" 0:0
2019 yil "Andijon" - "Navbahor" 0:1
2019 yil "Navbahor" - "Andijon" 1:1
Namanganda o'tgan oxirgi o'yindan highlights
HAKAMLAR
O'zbekiston futbol hakamlari markazi bo'lajak uchrashuvga bosh hakam etib Akobirxo'ja SHukurullaevni tayinlagan. VAR hakami sifatida esa Ilgiz Tantashev ishlaydi.
SHukurullaev Superliga doirasida "Andijon" ishtirokidagi beshta o'yinda ishlagan va ularning hech birida "burgutlar" yuta olishmagan - 1 durang, 4ta mag'lubiyat.
Ushbu hakam "Navbahor"ning 10ta o'yinida ishlgan. "Lochinlar"ning bu uchrashuvlardagi natijalari quyidagicha: 5ta g'alaba, 2ta durang va 3ta mag'lubiyat qayd etgan.
"Navbahor" - "Andijon"
14 aprel 2023 yil. Namangan, "Markaziy" stadioni. 18:00
Hakamlar: Akobirxo'ja SHukurullaev, Sardor Nishonboev, Avaz Abdullaev, Doston Mirzaraimov.
VAR: Ilgiz Tantashev.
AVAR: Andrey Capenko.
Nazoratchi: Vladislav Ceytlin.
Komissar: Jahongir Rahmatullaev.
BU MAVSUMDAGI NATIJALAR
"Navbahor" bu mavsum o'z maydonidagi 3ta o'yinning barchasida raqiblarini bir xil 3:0 hisoblarida ("Qizilqum", "So'g'diyona", "Metallurg") mag'lub etishga erishdi. Biroq safardagi ikkala bahsda ham 1:2 hisobida imkoniyat boy berildi ("Paxtakor" va OKMK).
O'z stadioni tayyor emasligi bois raqiblarini neytral maydonlarda qabul qilayotgan "Andijon" rasmiy mezbon bo'lgan ikkita uchrashuvda ham imkoniyatni boy berdi - "Bunyodkor" (0:3), "Neftchi" (0:2).
Xomyakov shogirdlari safarda uchta o'yin o'tkazishdi va 2ta g'alaba ("Nasaf" 1:0, "Olimpik" 1:0) va 1ta mag'lubiyat ("Surxon" 0:1) qayd etishdi.
MUALLIF TAXMINI
"Navbahor" bu yil o'z maydonida juda zo'r o'ynamoqda, "Andijon" esa safarda ikkita g'alabaga erishdi. Biroq baribir tarkiblarni solishtirib, bo'lajak o'yinda Samvel Babayan boshchiligidagi jamoaning g'alabasini taxmin qilaman.
 Navbahor | Superliga. 6-tur 14/04/2023, 18:00 - : - Boshlanmadi |  Andijon |
Bosh sahifaga
208