"Hech narsa o'xshamayapti. Bilmadim, ochig'i xayronman. Biz 4 yil davomida bir murabbiy va bir xil uslubda to'p tepdik. Keyinchalik murabbiy, tarkib o'zgardi. Vaziyatlardan foydalana olayotganimiz yo'q. Natijada raqiblar bizni jazolab ketmoqda. Ivan Boshkovich bilan ijobiy natijalar ham, g'alabalar ham kelishiga ishonaman. "Paxtakor" bilan birinchi bo'limda 4ta yaxshi imkoniyat yaratdik. Ammo gol uramas ekansan yuta olmaysan",- deydi Mitrovich.
- Penalti shundoqqina ko'z oldingizda belgilandi. Hakamlarning qarori adolatlimi?
- O'ylaymanki, 50/50 vaziyat edi. Biron narsa deyish qiyin. "Metallurg", "Paxtakor" darvozamizga yo'llagan zarbalari gol bo'lyapti. Balki omadsizlikmi nima deb izohlashga ham ojizman. "So'g'diyona"da 5 yil o'ynamoqdaman. Lekin ilk bor bunday holatga tushyapman.
- Ichki muhitda muammo yo'qmi?
- Bu borada hammasi joyida. Aytdimku, murabbiy o'zgardi. Faqatgina o'tgan yilgidan jamoaning yarimi qoldi. Ular bitta uslubga ko'nikkan. SHu falsafa bilan OFK kubogiga chiqdik, chempionatda ikkinchi o'rinni oldik. Keyinchalik taktika almashdi. Bunga moslashishga vaqt zarur. Biroq bu bahona emas. CHunki 4 oy vaqt o'tdi. Omad, omad va yana omad. Gap murabbiyda emas, futbolchilardadir. Biz o'ynay olmayotgandirmiz. Men har o'yinda gol o'tkazib yuboryapman. Balki himoyachilar, hujumchilar, yarim himoyachilar xato qilyapti. Ivan Boshkovich yaxshi murabbiy. U aybdormasdir. Ichki muhit yaxshi. SHunchaki o'xshamayapti. 4 yil hammasi o'xshadi. Kam gol o'tkazib yubordik, ko'p ochko ishladik. Aksariyat bahslarda darvozamiz dahlsizligini saqlab qoldik. Hozirchi? SHok holat. Biz avvalgi yillarda faqat natijaga o'ynadik. Vaziyatimizni kutamiz, gol uramiz va himoyalanamiz. Qarab turibsizki kamida 1 ochko bor, darvozamizga gol yo'q. Bugun esa futbol o'ynayapmiz. Ochiq o'yin bo'lyapti. "Bunyodkor" biz bilan bitta vaziyatidan foydalanib ketdi. Raqib posboni so'nggi daqiqada zo'r turdi. Jamoa oxirgi o'rinda. To'g'ri o'yinlar ko'p. Lekin bunday ketishda qiyin bo'ladi.
Abdulaziz Iskandarov
Bosh sahifaga
189