Championat.asia o'tkazilgan bahslar asosida tur laureatlarini aniqladi.
"Bunyodkor" posboni Suhrobjon Sultonov Championat.asia sayti talqiniga ko'ra 6-turning eng yaxshi darvozaboni deb topildi.
U o'zining ajoyib o'yini orqali "Nasaf" bilan bahsda jamoasining durang qayd etishiga katta xissa qo'shdi. Birinchi taymda raqibning penaltidan tepgan to'pini qaytarishga erishdi va bundan tashqari bir necha chiroyli seyvlarni namoyish etdi.
"Metallurg"ning yangi sardori Sanjar Tursunov Championat.asia talqiniga ko'ra 6-turning eng yaxshi futbolchisi deya elon qilindi.
Toshkent viloyati derbisida OKMKga qarshi bahsda O'rinboev yana hujumchi ortida o'ynadi va juda faol harakat qildi. Yakunda "Metallurg" 2:0 hisobida zafar quchdi va principial bahsda 3 ochkoga ega bo'ldi.
"Olimpik" vakili Temur Mamasidiqovning "Buxoro" darvozasiga urgan goli Championat.asia talqiniga ko'ra 6-turning chiroyli goli (VIDEO)
Yaqindagina "Metallurg"ga bosh murabbiy etib tayinlangan Vesko Steshevich Championat.asia talqiniga ko'ra 6-turning eng yaxshi murabbiyi sifatida etirof etildi.
Toshkent viloyati derbisidan oldin OKMK g'alaba qozonishini kutganlar nisbatan ko'proq edi. Ammo Bekobodda Steshevich boshchiligidagi jamoa chempionlik uchun kurashayotgan Mirjalol Qosimov jamoasini 2:0 hisobida taslim qildi. To'g'ri Olmaliq klubi safida Tursunov qizil kartochka oldi, ammo bu "Metallurg"ning muammosi emasdi.
Bosh sahifaga
267