- "G'ijduvon" jamoasini g'alaba bilan tabriklayman. Ilk daqiqalardanoq o'yindagi tashabbusni qo'lga olishga harakat qildik va gol urib oldik. Keyingi daqiqalarda esa yigitlarim engil o'yin ko'rsatishni boshladi va shu sababli uchta gol o'tkazib yubordik. Ikkinchi bo'limda butunlay boshqacha o'yin ko'rsatdik. O'yinni to'liqligicha nazorat qildik, biroq gol ura olmadik. Buni ustida ishlaymiz, albatta. 90 daqiqalikdagi o'yinda ikkala jamoa ham yaxshi o'yin ko'rsatdi deb o'ylayman.
- "G'ijduvon" jamoasi tajriba evaziga g'alabani ilib ketdi deb o'ylaysizmi?
- Bizni bolalar ham yaxshi o'ynashdi. Ammo "G'ijduvon"dagi tajriba o'z so'zini aytdi, baribir. Tajribali hujumchi o'z ishini bajardi. Navbatdagi o'yinlarda g'alaba qozonishga harakat qilamiz.
- "Andijon-SGS" ligadagi 15-golini o'tkazib yubordi. Bu borada nima deya olasiz?
- Gol urgandan keyin yigitlar o'yinni tashlab yuborishyapti, negadir. Buni ustida ishlashga harakat qilamiz. Hakamning so'nggi xushtagi chalingunga qadar o'ynashga intilamiz.
- Jamoa oldiga vazifa qo'yilganmi?
- Albatta. Rahbariyat tomonidan har bir o'yinga g'alaba uchun chiqish vazifasi qo'yilgan. SHuningdek, Pro-ligada qolishimiz kerak. Yuqori o'rinlarga chiqish vazifasi qo'yilmagan.
Bosh sahifaga
214