Italiyada "Inter" Portugaliyaning "Benfika" jamoasini qabul qiladi.
Birinchi o'yin
Lissabondagi uchrashuv natijasi ko'pchilik uchun ancha kutilmagan bo'ldi. Milan klubi kuchli o'yin o'tkazdi va mezbonlarga imkon qoldirmadi. Hisobni 51-daqiqada Nikolo Barella ochgan bo'lsa, Romelu Lukaku 82-daqiqada penaltidan unumli foydalanib, "Inter" ustunligini mustahkamladi. Takidlash lozim, milanliklar ushbu g'alaba uchun Lissabonliklar etakchi yarim himoyachisi Joau Mariuga rahmat deb qo'yishlari zarur.
Inter
1. "Neradzurri"ning A Seriyada ishi yurishmayapti, ammo ECHLda — butkul boshqa jamoa
Simone Inzagi jamoasi bilan yarim finalga chiqay deb turgan bo'lsa ham, ishdan haydalish arafasida turibdi. Bunga "Inter"ning ichki chempionatdagi natijalari sabab bo'lmoqda. Milanliklar nafaqat skudetto uchun kurashda ishtirok eta olmadi, balki kuchli to'rtlikdan ham chiqib ketib qolishdi. "Milan" bilan oradagi farq ikki ochko va agar vaziyat yaxshi tomonga o'zgarmasa, Inzagilarning kichigi muddatidan avval tatilga chiqishiga to'g'ri keladi.
Sinor Simone ancha avval dam olayotgan bo'lardi ham agarda CHempionlar Ligasi bo'lmaganida. Musobaqa xuddiki avvalgi yillardagi qarzini qaytarayotgandek.
Avvaliga guruh bosqichida jamoa "Barselona"ning omadsiz davriga to'g'ri keldi. Keyin 1/8 final bosqichida "Portu"ga qarshi uchrashuvda ham omad milanliklarga kulib boqdi. Bu bosqichning dastlabki uchrashuvida ham raqib etakchisining qo'pol xatolari "neradzurri"ga yaxshigina ustunlik taqdim etdi. Albatta "ko'k-qoralar"ning ECHLdagi muvaffaqiyatida Inzagining ham roli bor, ammo "Inter"ning "Monca"ga qarshi oxirgi o'yini va o'zi umuman A Seriyadagi ishtirokiga nazar tashlab, nima deyishni ham bilmaydi kishi.
2. de Vrey safdan chiqdi, ammo CHalxanoglu qaytdi: Inzagi himoya markazida yangi muammoga duch keldi
Birinchi uchrashuv bilan solishtirganda "Inter" ustozi turkiyalik yarim himoyachi Xakana CHalxanogluni markazda ishga solishi mumkin. "Estadio da Lush"da Brozovich-Mxitaryan-Barella uchligi ko'rsatgan o'yin u qadar ishonchli bo'lmaganini inobatga olsak, "Milan" sobiq futbolchisining jamoaga yordami tegishi aniq. Biroq Inzagi uchun yomon xabarlar ham yo'q emas.
Milan SHkriniar jamoani tark etishga qaror qilgach va keyin jarohat olgach, "Inter" himoya markazi bir muncha kuchsizlandi. Undan so'ng juda keraksiz vaqtda Stefan de Vrey jarohatlandi. Endilikda Acherbi-Bastoni-Darmian uchligiga alternativ variant ham yo'q.
Benfika
1. "Burgutlar" parvozi mavsumning eng muhim pallasida pasaydi — "Benfika" ketma-ket uchta o'yinda mag'lub bo'ldi
Aprel oyi boshlangunga qadar "Benfika"ning o'yini va natijalariga havas qilsa arzigulik edi. Rojer SHmidt jamoasi Portugaliya chempionatida raqiblarini sezdim demay mag'lub etar, CHempionlar Ligasida ham ishonchli o'yinlari bilan mavsum kashfiyoti bo'lishga nomzodlardan biri edi. Germaniyalik shartnoma muddatini uzaytirdi va "Inter" bilan birinchi to'qnashuvga shogirdlarini favorit sifatida boshlab tushgandi.
Biroq milanliklarga qarshi bahsdan avval "da Lush"da "Portu"ga imkoniyat boy berildi. "Inter" bilan bahs jamoa o'yinida o'ylab topilgan emas, chinakamiga muammolar borligini ko'rsatdi. Uchinchi qoqilish esa, ustiga-ustak "SHavish"dan, "Benfika" inqiroz davrini boshdan o'tkazayotganini tasdiqlab berdi. Har uchala o'yinda jamoa o'yini juda sust edi, har safar SHmidt omadsiz kechayotgan o'yinni qanday qilib jamoasi tomoniga og'dirishni bilmasdi.
2. Himoyada Bax yo'q, lekin endi Otamendi bor: lissabonliklarni, birinchi o'yinda etishmagan sardor oldinga etaklaydi
Himoyachi Aleksandr Baxning yo'qligi "Benfika" himoyasining ayniqsa o'ng qanotini zaif nuqtaga aylantiradi. Jilberto har holda hozircha evrokuboklarda ishonchli o'yin ko'rsata oladigan figura emasligini ko'rsatib qo'ymoqda. Bunga qaramay, SHmidt uchun himoya chizig'i bilan bog'liq yaxshi yangilik ham bor.
Gap Nikolas Otamendining qaytishi haqida ketmoqda. 35 yoshli argentinalik birinchi uchrashuvda maydonga tusha olmadi va bu "burgutlar" himoyasidagi sarosimaga sabab bo'ldi. Maydonda qolganlarni tinchlantira oladigan va shoshilmasdan o'z o'ynini o'ynashga undaydigan etakchi etishmadi. Bu ishni Milanda bajarish undanda qiyin bo'ladi, ammo Otamendi bor ekan, "Benfika" muxlislarining ko'ngli xotirjam bo'lishi mumkin.
Nozima To'xtamirzaeva tarjimasi
 Inter | Champions League Final Stage . Quarter Finals-tur 20/04/2023, 00:00 - : - Boshlanmadi |  Benfica |
Stadion: Giuseppe Meazza
Bosh hakam: Carlos del Cerro
Bosh sahifaga
196