"21 aprel kuni hayit ayyomiga to'g'ri keldi. 30 aprel kuni esa mamlakatimiz uchun muhim kun hisoblanadi. Biz mart oyida O'zbekiston mezbonlik qilgan U20 Osiyo kubogi bilan parallel ravishda ichki musobaqalarni o'tkazdik. Ramazon oyi davomida ham futbol uchrashuvlari davom ettirildi. Hayit bayrami kunida ham qator o'yinlar tashkil etiladi. Zich taqvimga qaramay futbol uchrashuvlarini tashkil etishda biz bilan elkama-elka xizmat qilayotgan Ichki ishlar, Milliy gvardiya hamda Tez yordam hodimlariga o'z minnatdorchiligimizni bildiramiz.
30 aprel kuni mamlakatimiz aholisi o'z huquqidan foydalangan holda ovoz berishda ishtirok etadi. SHuningdek, futbol jamoatchiligi: murabbiylar, futbolchilar, rasmiylar, mutaxassislar ham o'z oila azolari bilan referendumda qatnashishni niyat qilgan. Futbol uchrashuvlarini o'tkazishda ishtirok etuvchi barcha tashkilotlar uchun qulaylik yaratish maqsadida O'zbekiston Professional futbol ligasi Coca-Cola Superliga 8-tur uchrashuvlarini 30 iyun sanasidan boshlab o'tkazishga qaror qildi. O'yinlar sanasini mazkur havola yordamida bilib olish mumkin. 27-30 iyul kunlari esa O'zbekiston kubogining 1/8 final uchrashuvlari bilan futbol klublari yozgi tanaffusdan qaytadi.
Liga 2023 yilgi futbol mavsumi har yildagidan yaxshiroq bo'lishiga ishonadi. Bizni yil davomida yanada murosasiz futbol uchrashuvlari kutib turibdi", deyiladi PFL xabarida.
Bosh sahifaga
271