Birinchi bo'limda o'yinimiz biroz o'zshamadi, keyinroq tahlil qilamiz. Ikkinchi bo'limda kamchilik bo'lib qoldik va mag'lubiyatga uchrayotgandik. Oldinga borishdan boshqa choramiz yo'q edi. Gollar urdik va g'alabaga erishdik. Qo'qonlik muxlislarga ham rahmat aytmoqchiman, raqib jamoa ishqibozlari sizga qarsak chalishi juda yoqimli. "Qo'qon-1912"da Timur Kapadze bilan yarim yil ishlaganman, klub hali ham qalbimda.
- "Lokomotiv" so'nggi 2 yil davomida Qo'qonda g'alaba qozona olmayotgandi. Bu lanat deb o'ylaysizmi?
- Ha, har doim Qo'qon jamoasiga qarshi o'yinlar qiyin o'tgan. Nihoyat bu seriyani to'xtatdik. G'alabali yurishimiz davom etadi deb o'ylayman.
- "Lokomotiv" olgan qizil kartochka jamoaga qo'shimcha motivaciya berdimi?
- Ha. Tanaffusda yigitlarga murojaat qilib, birinchi bo'limdagidan ikki baravar kuchliroq ishlash kerakligini tushuntirdik. Yigitlar haqiqatdan ham motivaciya olishdi.
- O'tgan mavsum "Lokomotiv" "Turon" bilan Superligada qolish uchun juda yomon o'yin ko'rsatgandi, bugun jamoa ancha yaxshi harakat qildi...
- "Turon"ga qarshi bahsda alamli mag'lubiyatga uchradik. O'shanda Superliga tugab, 2 hafta raqib topa olmaganmiz. "Turon" esa formada bo'lgan. Buni bahona qilib ko'rsatmoqchi emasman. Pro ligaga tushganimizdan so'ng bazi futbolchilar jamoamizni tark etishdi, boshqa futbolchilar kelishdi. Mavsum endi start oldi va yigitlar hali o'z so'zini aytishadi.
Bosh sahifaga
262