Qardosh mintaqalarda kubok va chempionatning navbatdagi tur bahslari o'tkazildi. Faqatgina Tojikistonda tur o'yinlari Ramazon hayiti munosabati bilan ortga surildi. Quyida mazkur uchrashuvlar bilan tanishamiz.
Qozog'iston
O'zbekistonlik futbolchilar
"Tobol" - Igor Sergeev
"Ordabasi" - Bobir Abdixoliqov
"Ordabasi" - SHahboz Umarov
Qozog'istonda chempionatning 7-tur bahslari bilan bir qatorda kubok bahslari ham o'tkazildi. 19 aprel sanasida o'tkazilgan 1/8 final doirasidagi "Ordabasi" – "Maqtaaral" uchrashuvida mezbonlarning o'zbekistonlik hujumchisi Bobir Abdixoliqov raqib darvozasini ishg'ol qilishga muvaffaq bo'ldi, biroq uning goli jamoasi yordam bera olmadi — "Maqtaaral" safarda 2:1 hisobida g'alaba qozondi. Mazkur uchrashuvning 66-daqiqasida mezbonlar safida yana bir o'zbek legioneri SHahboz Umarov aynan Abdixoliqov o'rniga maydonga tushirildi.
"Tobol" esa "Aqsu" ustidan 2:0 hisobida zafar quchdi. Mezbonlar tarkibida o'zbekistonlik hujumchi Igor Sergeev 57-daqiqada o'yinga qo'shildi.
29-30 aprel kunlari nimchorak finalning javob o'yinlari o'tkaziladi.
Qozog'iston chempionatining 7-turida esa gol urish navbati Sergeevga etib keldi. "Aqtobe"ni o'z maydonida qabul qilgan "Tobol" 2:2 hisobidagi durangga imzo chekdi. Etiborli jihati, mezbonlar tarkibidagi ikkala golga ham Igor Sergeev mualliflik qildi.
"Ordabasi" ham "Qayrat"ga qarshi bahsda xuddi shu natijaga erishdi. Kubok bahsidagi rokirovka bu safar teskarisiga amalga oshirildi, yani uchrashuvni asosiy tarkibda boshlagan SHahboz Umarov 64-daqiqada o'z o'rnini Bobir Abdixoliqovga bo'shatib berdi.
"Qiziljar" mazkur turda ochko yo'qotgan bo'lsa ham peshqadamlikni saqlab turibdi. Durang natijalardan so'ng "Ordabasi" bir pog'ona pastlagan bo'lsa, "Tobol" bir pog'ona yuqoriladi.
To'purarlar jadvalida "Aqtobe" hujumchisi Joao PAULO 6 ta gol bilan etakchilik qilmoqda. 4 ta to'p kiritgan Igor Sergeev esa yaqin taqibchilar qatorida bormoqda.
Qirg'iziston
O'zbekistonlik futbolchilar
Alay - Islom Abdullaev
Alay - Javohir Sohibov
Alay - Abdulaziz Yusupov
Dordoy - Kemran Najafaliev
Qora Bolta - Muhriddin Ahmedov
Neftchi Qo'chqor Ota - Azamat Ahmedov
Neftchi Qo'chqor Ota - Muhammadali Tursunov
Neftchi Qo'chqor Ota - Dostonjon Rashidov
Neftchi Qo'chqor Ota - Otabek Haydarov
Neftchi Qo'chqor Ota - Javohir Rasulov
Talant - Muhammadqodir Rahimberganov
Oshmu Aldier - Abdulbori Vositjonov
Oshmu Aldier - Akrom Xodjaev
Oshmu Aldier - Maradona Safarov
Oshmu Aldier - Po'latjon SHaripov
Oshmu Aldier - Muhammadali Ashurov
Oshmu Aldier - Aburahmon Abdulhaqov
Oshmu Aldier - Elnur Turg'unov
Oshmu Aldier - Akmaljon Yuldashev
Qirg'izistonda kubok o'yinlarining 1/8 va 1/4 final bosqichlariga qura tashlandi. Unga ko'ra, klublar shimol va janub zonasiga ajratildi. SHimol zonasida nimchorak final bahslari 12 may kuni boshlansa, janub zonasida chorak final o'yinlari 21 may sanasida start oladi.
CHempionatda esa 5-tur bahslari o'tkazildi. Bugun o'tkaziladigan "Muras Yunayted" — "Ilvirs" uchrashuvi bilan tur yakuniga etadi. Mazkur turda ochko yo'qotganiga qaramasdan, "Abdish-Ata" 11 ochko bilan 1-o'rinda bormoqda. Bir ochko kam jamg'argan "Alay" esa uni taqib etmoqda. Keyingi tur uchrashuvlari 27-29 aprel kunlari o'tkaziladi.
Tojikiston
O'zbekistonlik futbolchilar
Xo'jand - Xushnudbek Bozorov
Xatlon - Rustam Qo'chqorov
Fayzkand - Zufardjon Akbaraliev
Esxata - Olimdjon Karimov
Esxata - Sanjar Rixsiboev
Xosilot - Temur Mamatmurodov
Kuktosh - Temur Masharipov
Kuktosh - Muxiddin Odilov
Kuktosh bosh murabbiyi - Abdujabbor Marufaliev
Tojikiston chempionatining 5-tur o'yinlari Ramazon hayiti munosabati bilan zaxiraga kunlariga ko'chirildi va 28-30 iyun kunlari o'tkazilishi rejalashtirilmoqda.
Taqvimga ko'ra, chempionatning oltinchi tur o'yinlari 25 va 26 aprel kunlari bo'lib o'tadi.
Turkmaniston
Turkmanistonda chempionatning 2-tur bahslari hamda kubok o'yinlari o'tkazildi. 22 aprel kuni Turkmaniston kubogi saralash bosqichining ilk uchrashuvida yangi tashkil etilgan “Arkadag'” futbol klubi Maryam shahrining “Energetik” jamoasi bilan uchrashdi. “Nusay” stadionida bo'lib o'tgan uchrashuv 4:0 hisobida "Arkadag'"ning g'alabasi bilan yakunlandi.
Ushbu jamoalar o'rtasidagi javob uchrashuvi 2 may kuni bo'lib o'tadi. Kubokning chorak final bosqichidagi qarama-qarshilik g'olibi poytaxtning “Kopetdog'” klubi bilan to'qnash keladi.
SHuningdek, "Arkadag'" chempionatdagi debyutini ham g'alaba bilan boshladi.
Turnir jadvalida “Kopetdog'” 2 o'yindan so'ng 6 ochko jamg'aragan holda etakchilik qilmoqda. 3-tur bahslari 25 aprel sanasida o'tkaziladi.
Bosh sahifaga
239