SHu tariqa, "bo'rilar"ning 17 uchrashuvdan iborat g'alabasiz seriyasiga yakun yasaldi. Boshkovich shogirdlari so'nggi bor o'tgan yilning avgustida "Dinamo"ni taslim etgandi. G'alaba golini esa jamoaning bosniyalik hujumchisi Zenan Zaymovich urdi. Mazkur uchrashuvdan so'ng evropalik forvardning fikrlari bilan qiziqdik.
 So'g'diyona Dzenan Zaymovich - 73' | Superliga. 7-tur 22/04/2023, 17:00 0 : 1 Tugadi |  Qizilqum |
- Odatda birgina g'alaba ko'p narsani hal qilishi mumkin. "So'g'diyona"dan navbatdagi o'yinlarda ham ijobiy natija kutish mumkinmi?
- Endilikda hammasi yaxshi tomonga o'zgarishiga yuz foiz ishonaman. Futbolda eng muhimi ruhiy tomonlama tiklanish. G'alaba ishonchimizni oshiradi. Keyingi o'yinlarda boshqacha "So'g'diyona"ni ko'rishingiz mumkin.
- Evropa mamlakatlarida o'ynagan futbolchi sifatida O'zbekiston Superligasini qaysi davlat chempionatiga qiyoslash mumkin?
- Ligalarni bir-biridan taqqoslash juda qiyin. Lekin O'zbekiston Evropa futboliga yaqinlashish uchun yaxshi yo'lda.
- Futboldan tashqari vaqtlarda Jizzaxda zerikib qolmayapsizmi? Aynan nima sizni ko'proq qiziqtirmoqda?
- Kinolar ko'raman, kitob mutolaasi bilan shug'ullanman. Umuman olganda doim bandman, zerikishga vaqt yo'q.
- Jamoadagi eng yaqin do'stingiz kim?
- Serder Serderov va Tarik Isich.
Bosh sahifaga
268