"Bir necha hafta oldin aytgandim: agarda mavsum yakuniga oz qolganida mag'lub bo'lsak, biz uchun barchasi tugaydi. Sentyabr, oktyabr yoki noyabr oyida bunday holatda bo'lsang, hech qanday bosimni his qilmaysan. Ayniqsa, ketma-ket ikki marta APL sovrinini yutganimizdan keyin.
APLdagi ilk mavsumimizni shunday boshlagandik - har bir o'yin finalga teng edi. Buni to'ppa-to'g'ri tushunib turibman. Hozir esa "Arsenal"ga razm solar ekanman, ular ham har bir uchrashuvga finaldek maydonga tushayotganini ko'rish mumkin. Ketma-ket ikki sovrindan keyin biz uchun APLning har bir o'yini finalga teng bo'lmayapti.
Biroq hozir, so'nggi oylar davomida Angliya Kubogi, APL va ECHLdagi o'yinlarning qanchalar qiyinlashib borayotganini hisobga olib, mavsum yakunlanib borayotganini sezyapmiz. Mavsumning yakuni yaqinlashib kelmoqda.
Va shu orqali nima uchun o'ynayotganimizni tushunib boryapmiz. Endi barchasi o'z qo'limizda. SHak-shubxasiz, "Arsenal"ning qo'lida ham. Agarda ular o'z o'yinlarini yutaversa, ularga bog'liq bo'lib qoladi. Oldimizda hali 7 o'yin bor.
Bu muhim o'yin, biroq hal qiluvchi emas. CHunki oldinda bizni bir-biridan qiyin uchrashuvlar kutib turibdi. Ammo ularning muhimlilik darajasini so'z bilan tushuntirib bera olmayman", - dedi "Siti" bosh murabbiyi.
Gvardiola: "Arsenal" uchun har bir o'yin finalga teng, bizga esa yo'q"
/ Kiritdi: BestMaster O'qilgan: 154
Bosh sahifaga
176