Vadim Abramov: "O'yin qiyin kechdi. Omadimiz kelib, so'nggi daqiqada gol urdik. Bu futbolchi oldinroq oddiy vaziyatdan foydalanishi kerak edi. "Xorazm" jamoasiga bugun o'ynagandek davom etishni tilab qolaman.
- Pro ligada qaysi jamoalarni asosiy raqib deb bilasiz?
- Jadvalda ular ajralib qolgandek deb o'ylayman. "Lokomotiv" va "Qo'qon-1912" Superligaga chiqishga davogarlik qilsa kerak. Hozir aniq bir narsa deyish qiyin, biroz kutaylik.
- Joel Kojo o'yini haqida nima deya olasiz?
- U harakat qilyapti va biz bundan qoniqyapmiz. Yaxshi hujumchi, jamoamizga kirishib ketdi. Bazi vaziyatlardan foydalana olmadi, maydon ham "og'ir" ekan.
- Bugun "Dinamo" safida ikki asosiy futbolchi yo'q edi. Ular qachon qaytishadi?
- Oldimizda katta tanaffus bor. Bu vaqt ichida hatto qushlar ham katta bo'lib qolishadi.
"Xorazm" mening O'zbekistondagi birinchi jamoam bo'lgan. Odamlar iliq kutib olishdi. Qaytish yoqimli bo'ldi. Hammaga katta rahmat.
Bosh sahifaga
336