"Avvalo OKMK jamoasini g'alaba bilan tabriklayman. Bugun qanday raqibga qarshi o'ynashimizni bilgan edik. Lekin shogirdlarimga maydonda oxirigacha kurashgani uchun rahmat aytaman",- deydi SHohruh Ishanov.
- Birinchi bo'limda "Andijon-SGS" darvozabonida o'ziga nisbatan ishonch etishmagandek ko'rindi. Aksariyat hollarda kelayotgan to'pni qo'lidan chiqarib yuboraverdi. Bu tajribasizlikdanmi yoki hayajon?
- Albatta bunday jamoaga qarshi hayajon bo'lishi tabiiy. SHogirdlarim katta futbolda o'ynashyapti. Bu ulkan yutug'imiz. Hayajon ham vaqti bilan yo'qoladi, deb o'ylayman. Baribir darajada farq katta. OKMK nafaqat O'zbekiston balki Osiyoda ham o'z nomiga ega klub hisoblanadi.
- Himoyada ko'p to'p yo'qotishlar bo'ldi. SHunga qaramay himoyada pas o'ynashni davom ettirdinglar...
- Futbolchilarga to'pni shunchaki tepib yuborish emas, pas bilan himoyadan chiqish, shu orqali hujumni tashkil qilishni vazifa qilib bergandik. Ikkinchi bo'limda ham ko'p narsani o'zgartirmadik. Futbolchilar hozir pozicion hujum qilishni o'rganishi kerak.
- SHuni hisobiga futbolchilar turli fintlarni qilishga kirishib ketishdimi?
- Ularni qo'llab-quvvatlayman. SHogirdlarim xarakter ko'rsatishga intilishdi.
Bosh sahifaga
385