Denis Bushuev: "Bugungi o'yin haqida bir nima deyish qiyin. Penaltidan gol urganimizda bahs boshqacha yakunlanishi mumkin edi. Birinchi bo'limda raqib o'yinni nazorat qildi. Mayda paslar tufayli himoyadan chiqishga qiynaldik. Ikkinchi bo'limda oddiyroq o'ynab, uzun paslar orqali harakat qildik. Ikkinchi taymni yaxshi o'tkazdik. Mag'lubiyatga uchragan bo'lsakda, yigitlarga rahmat aytaman. Mashg'ulotlardagi mehnat ertami, kechmi, o'z so'zini aytadi va ochkolar to'plashni boshlaymiz.
- Nega yosh Abega Enyang Nguni maydonga tushirmadingiz?
- Bugun himoya qanotlarida ikki yosh futbolchi harakat qildi. Hammani birdaniga maydonga tushirib yuborishning iloji yo'q. Ushbu bahsga qilgan rejam asosida futbolchilarni maydonga tushirdim.
- SHohnazar Norbekov nega bugungi o'yin qaydnomasiga kiritilmadi?
- Qaydnomaga 19 nafar futbolchini kiritsa bo'ladi, bu bahsga boshqalarni tanladim. Lekin bu Norbekov jamoamizda ortiqcha degani emas, o'yinlar ko'p. Keyingi bahslarda uni asosiy tarkibda ko'rishimiz mumkin.
- Keyingi bahs Pro Liga vakili "SHo'rtan"ga qarshi bo'lib o'tadi.
- Men jamoalarni ajratmayman. Birinchi, Pro yoki Superligami har bir raqibga qarshi o'yin og'ir o'tadi. "Paxtakor" yuqorida, biz esa pastda edik, ammo o'yinni ko'rib, bunday demagan bo'lardingiz. "SHo'rtan"ga qarshi bahs engil kechmayd va uni o'z foydamizga yakunlashga urinib ko'ramiz.
Bosh sahifaga
252